Быыһааччылар түөрт киһини эвакуациялаатылар
30.09.2025, 10:52
СӨ Быыһыыр сулууспата
Бөлөххө киир:
Бэҕэһээ, балаҕан ыйын 29 күнүгэр, киэһэ 20.23 ч. «112» төлөпүөҥҥэ Алданнааҕы сулууспаҕа түөрт киһи, гидрологтар, көмөҕө наадыйалларын туһунан суһал иһитиннэрии киирбит.
Кинилэр УАЗ «Патриот» массыыналара Алдан куораттан 45 км сиргэ суола-ииһэ суох сиргэ буксуйбут. Аны аккумулятора «олорон» хаалан, массыына собуоттаммат буолбут.
Көрдүүр-быыһыыр үлэҕэ Андрей Кордюк салайыытынан түөрт быыһааччы барбыт. Гидрологтары 04.30 ч. Алдан куоракка эвакуациялаабыттар. Массыынаны кыайан илдьибэтэхтэр. Кэлин улахан тиэхиньикэнэн состорон таһаарыахтара диэн СӨ Быыһыыр сулууспата иһитиннэрдэ.
Сообщить об опечатке
Текст, который будет отправлен нашим редакторам: