Быыһааччылар Уус Алдаҥҥа улахан баһаары умуруора көттүлэр

Уус Алдан улууһугар Дыгдал сэлиэнньэтиттэн 30 км тэйиччи сиргэ турбут улахан ойуур баһаарын умуруора, быыһааччылар көттүлэр. Бу туһунан СӨ Быыһыыр сулууспатын пресс-сулууспата иһитиннэрэр.

Биэдэмистибэ иһитиннэрбитинэн, баһаар атырдьах ыйын 26 күнүгэр бэлиэтэммит. Чаҕылхан түһүүтүттэн уот барбыт диэн быһаарбыттар.

«Уот Алдан өрүс диэки, Дыгдал сэлиэнньэтиттэн 30 км тэйиччи турар сиргэ баар. Балаҕан ыйын 2 күнүн сарсыардатыгар 6219 га умайа турар диэн быһаарылынна. Манна 186 киһи үлэлиир, СӨ Быыһыыр сулууспатын аэромобильнай этэрээтин 10 быыһааччыта бөртөлүөтүнэн көмөҕө көттө», — диэн суруллар.

Санатан суруйдахха, атырдьах ыйын 30 күнүгэр улууска ыксаллаах быһыы-майгы эрэсиимэ биллэриллибитэ.