«Быырпах» утахха оһоҕос палочката булуллубут

Саха сиригэр чааһынай урбаанньыт тэрилтэтигэр оҥоһуллубут «Быырпах» аһыы үүт утаҕар оһоҕос палочкатын бөлөҕөр киирэр бактериялар (ОПББ) булуллубуттар. Лабораторнай чинчийиилэр бородууксуйаны оҥорууга уонна харайыыга куттал суох буолуутун быраабылалара кэһиллибиттэрин көрдөрдүлэр.

Россельхознадзор иһитиннэрэринэн, ирдэбилгэ эппиэттээбэт партия кээмэйэ 450 лиитирэ буолла. Урбаанньыкка салгыы маннык кэһиилэри таһаарбат туһунан сэрэтии ыытылынна. «Үүт аска оһоҕос палочката көстүүтэ санитарнай нуормалар кэһиллибиттэрин туоһулуон, ону таһынан нэһилиэнньэ доруобуйатыгар кутталы үөскэтэр. Тоҕо диэтэххэ, бу микроорганизм үөскээн-тэнийэригэр үүт эйгэтэ олус табыгастаах буолар», — диэн Амур уобалаһын уонна Саха Өрөспүүбүлүкэтин Россельхознадзор управлениетын ТГ-ханаалыгар иһитиннэрдилэр.