Быыстапка логотибын толкуйдуурга ыҥыраллар

Саха сирин олохтоохторо «Россия» диэн норуоттар икки ардыларынааҕы быыстапка логотибын толкуйдуурга кыттыахтарын сөп.

«Россия» диэн норуоттар икки ардыларынааҕы пуорум-быыстапка аһыллыан иннинэ,  тэрийээччилэр РФ субъектарыгар тэрээһин логотибын толкуйдуурга ыҥыраллар.  Дьоҥҥо-сэргэҕэ биллэр буукуба дьүөрэлэһиитин логотипка холбоон эрэгийиэннэр быыстапкаҕа бэлэмниэхтэрин сөп.

Эрэгийиэннээҕи куоластааһын  балаҕан ыйын 25  күнүттэн  пуорум-быыстапка «Россия» russia.ru саайтыгар саҕаламмыт.  Ол курдук логотип көрүҥүн «Создаём вместе»  разделга киллэриэххэ сөп.  Бастакы куоластааһын  эрэгийиэннэринэн түмүктэрэ  икки нэдиэлэнэн тахсаллар.

Логотип кэнсиэпсийэтин фирменнэй истиилигэр алта историческай кэм хабыллыан сөп. Ол курдук,» правление Князя Владимира», «Великое княжество», «Царство Русское», «Российская Империя», «СССР»  уонна «Российская Федерация».

«Биһиги дойдубут хас биирдии эрэгийиэнэ ураты. Кинилэр бары Арассыыйа биир уопсай уобараһын оҥороллор. Элбэх норуоттар култуураларын, үгэстэрин түмэллэр. Билигин хас биирдии Арассыыйа олохтооҕо бэйэтин эрэгийиэнин Арасыыйаҕа логотибын оҥоруон сөп», —  диир «Дирекция Выставки Достижений Россия» генеральнай дириэктэрэ Наталья Виртуозова.

Оонньууга кыттарга «Создаем вместе» диэн бэйэ аккануттан эбэтэр электроннай почтатын нөҥүө авторизацияны ааһыан наада.

Пуорум-быыстапка үлэтин сэтинньи 4 күнүттэн муус устар 12 күнүгэр диэри ыытыаҕа. Быыстапканы көрөөччүлэр Арассыыйа 89 эрэгийиэнин экспозициятын көрүөхтэрэ.  Тэрийээччилэр киэҥник үөрэтэр, култуурунай уонна дьыалабыай бырагырааманы былаанныыллар.