Бүгүн -52° кыраадыска диэри тымныйыа

Бүгүн, олунньу 12 күнүгэр, Саха сиригэр үгүс оройуоннарынан кыралаан хаардыыр, хоту улуустарынан буурҕа түһэр, -52° кыраадыска диэри тымныйар.

Өрөспүүбүлүкэҕэ арҕаа, хотугулуу-илин оройуоннарынан, Халыма-Индигиир улуустарынан кыралаан хаардыыр, Үөһээ Халыма, Орто Халыма улуустарынан күүстээх хаар түһэрэ күүтүллэр, сөкүүндэҕэ 9-14 м. диэри түргэннээх күүстээх тыаллаах, тибиилээх.

Анаабыр, Булуҥ оройуоннарынан сорох сиринэн сөкүүндэҕэ 15-18 м. диэри күүстээх тыалырыа, буурҕа түһэрэ сабаҕаланар.

Салгын температурата түүн -40-45°, хотугулуу-илин алын тардыытынан -47-52°, соҕуруу -30-35°, арҕаа, Халымаҕа -21-26°, соҕуруулуу-арҕаа -15-20° кыраадыс тымныы. Күнүс салгын температурата -25-30°, хотугулуу-илин -35-40°, соҕуруу, Халымаҕа -15-20°, соҕуруулуу-арҕаа, Халыма алын тардыытынан -10-15° кыраадыс тымныы.

Дьокуускайга сөҥүүтэ суох, түүн, сарсыарда туманнаах, түүн кыра тыаллаах, күнүс арҕааттан сөкүүндэҕэ 1-4 м. түргэннээх тыалырыа. Салгын температурата түүн -38-40°, күнүс -25-27° кыраадыс тымныы.