Хаартыска: sakha.gov.ru
Дойду үрдүнэн «Быть, не показаться!» патриотическай иитии настаабынньыктарын куонкуруһа саҕаланна.
Куонкуруһу Арассыыйа бэрэсидьиэнэ Владимир Путин сорудаҕынан, Добро.рф Ассоциация көмөтүнэн Арассыыйа ыччатын тэрилтэтин Роспатриоткиинэ Бастакылар хамсааһыннарын уонна “ВОИН” Киини кытта бииргэ ыыталлар.
Куонкуруска 16 уонна онтон үөһээ саастаах устудьуоннар, иитии эйгэтин исписэлиистэрэ, настаабынньыктар уонна педагогтар, бойобуой дьайыы бэтэрээннэрэ, патриотическай бырайыактар кыттыылаахтара уонна салайааччылара кыттыахтарын сөп. Муус устар 20 күнүгэр диэри бу саайтка киирэн регистрацияланаҕыт: https://xn--80aabg4amocdm1ajd5jqa.xn--p1ai/ .
«Быть, не показаться!» куонкурус дойду үрдүнэн патриотическай иитии бастыҥ үөрүйэхтэрин тарҕатар уонна өйүүр, ону тэҥэ каадыр резервэтин тэрийэр, саҥа көрүүлээх салайааччылары, ол иһигэр байыаннай дьайыы кыттыылаахтарын, таһаарар аналлаах.
Быйыл кыттааччылар Аҕа дойдуну көмүскээччи сылыгар анаммыт биэс сүрүн анал ааттан биирин талыахтарын сөп: “Саҕалааччы настаабынньык”, “Уопуттаах настаабынньык”, “Лиидэр-настаабынньык”, “СВОй настаабынньык” уонна “Сулууспаҕа сылдьар настаабынньык”. Оҕону уонна ыччаты патриотическай иитии эйгэтигэр 20 сылтан кырата суох ыстаастаах эбэтэр настаабынньыктыыр үлэҕэ чаҕылхай ситиһиилээх инструктордарга, педагогтарга, методистарга “Үтүөлээх настаабынньык” диэн куонкуруска сыһыана суох анал номинация баар буолуоҕа.
Регистрация кэнниттэн кыттааччылар тута талар түһүмэх сорудахтарын толорон барыахтара, онно видеовизитка уонна профильнай билиини сыаналыыр тестэри туттарыы киирэр. Куонкурус полуфиналыгар дойду үрдүнэн 2000 бастыҥ настаабынньык ааһыаҕа. Сайыҥҥы кэмҥэ полуфиналистар сирэй көрсөн кэпсэтиилэри ааһыахтара уонна тематическай сорудахтары толоруохтара. Финалга 400 кыттааччы көрсүөҕэ. Манна кинилэри дьыалабыай уонна байыаннай-спортивнай оонньуулар, эспиэр сүбэлээх үөрэтэр блок, аһаҕас уруок уонна ааптар бэйэтин бырайыагын эбэтэр методическай ырытан оҥоруутун көмүскээһин күүтэллэр, диэн иһитиннэрэр Ил Дархан, бырабыыталыстыба пресс-сулууспата.
Соторутааҕыта социальнай ситимнэринэн Алдан оройуонун олохтооҕо Рябиновай үрэх киртийбитин видеоҕа устан тарҕаппыта, ол түмүгүнэн бэрэбиэркэ…
Байыаннай дьайыы бэтэрээнэ, Аҕа дойдуну көмүскээччилэр куубактарын Бүтүн Арассыыйатааҕы финалын призера, Саха сирин олохтооҕо Алексей…
Айылҕа ураты харыстанар сирдэригэр дьиикэй кыыллары, үүнээйилэри, эбэтэр атын да уларыйыылары кэтээн көрөргө хаартыскаҕа түһэрэр…
Бүгүн, от ыйын 7 күнүгэр, күрэс төрүт көрүҥнэригэр "Манчаары оонньууларын" волонтердарын кытта көрсүһүү А.Е.Турнин аатынан…
СӨ Быыһыыр сулууспата иһитиннэрбитинэн, бүгүн, от ыйын 7 күнүгэр, сарсыарда 5.20 ч. Дьокуускай таһыгар Маҕаныыр…
Бу нэдиэлэҕэ үп-харчы эйгэтигэр ураты кэм буолуо. Үгүс бэлиэлэргэ саҥа кыахтар арыллыахтара, ол эрээри сыыһа-халты…