Чааһы быһа өрүс ортотугар олорбуттар…

Бүгүн Бүлүү өрүскэ  Үөһээ Бүлүү аннынан паром мууска хам ылларан, кыайан айаннаабакка турарын туһунан иһитиннэрии уонна видео тарҕанна.

Саха сиринээҕи тырааныспар борокуратуурата  туһааннаах  түгэнинэн бэрэбиэркэ ыытарын туһунан  Илин-Сибиирдээҕи тырааныспар борокуратуурата   иһитиннэрдэ.

Барыллааһын быһыытынан, Хоро — Үөһээ Бүлүү икки ардыгар рейс   оҥоһуллубут, пассажирдар тиийэхтээх сирдэригэр тиийбиттэр. Ким даҕаны эмсэҕэлээбэтэх.

Бэрэбиэркэ түмүгүнэн, борокуратуура таһаҕас тиэйээччилэр суудунанан таһыыга куттал суох буолуутун сокуонун тутуһалларын дуу, тутуспаттарын дуу сыаналыаҕа.