Чааһынай дьиэттэн малы-салы уордулар

Дьокуускай куоракка полиция 1 отделын дьуһуурунай чааһыгар чааһынай дьиэтиттэн малын-салын уордарбыт олохтоох киһиттэн сайабылыанньа киирбит. Хоромньу уопсай кээмэйэ 100 тыһ. солк.

Суһал-ирдиир үлэ кэмигэр холуобунай ирдэбил үлэһиттэрэ Чурапчы улууһуттан төрүттээх 40 саастаах уорбаланааччыны туппуттар.

Ол курдук уорбаланааччы чааһынай дьиэ аанын алдьатан киирэн,  системнай блогу, банаары, планшеты итиэннэ кыһыл, үрүҥ көмүс киэргэллэри уорбут.

Уорбут малын атыылаабыт, ол харчытын бэйэтин наадатыгар туттубут.

Билигин эр киһиэхэ РФ Холуобунай кодексын 158 ыст. 3 чааһынан холуобунай дьыала көбүтүлүннэ.