Чааһынай пансионакка 4 киһи сүһүрдэ

Бэс ыйын 25 күнүгэр, баскыһыанньаҕа, «Забота» диэн кырдьаҕастарга, инбэлииттэргэ аналлаах чааһынай пансионат 4 олохтооҕо сүһүрэн, балыыһаҕа киирбиттэрэ. Кинилэртэн биирдэстэрэ, 85 саастаах эмээхсин, тыына быһынна диэн Силиэстийэлиир кэмитиэт иһитиннэрбитэ.

Бүгүҥҥү туругунан, реанимацияҕа сытааччылар туруктара ыарахан диэн доруобуйа харыстабылын министиэристибэтэ СИА-ҕа иһитиннэрдэ. Бүгүн биир эмээхсин туруга арыый тупсан, терапевтическай отделениеҕа көһөрдүлэр. Кинилэр доруобуйаларын туругун чөлгө түһэрэр туһугар быраастар туох баар бары дьайыылары оҥороллор.

Сүһүрээччилэр саастара — 72-тэн 85-гэр диэри. Кинилэр бытовой хиимийэ сириэстибэтин испиттэр дииллэр. Силиэстийэлиир кэмитиэт уонна Дьокуускай борокуратуурата силиэстийэлиир дьайыылары, процессуальнай бэрэбиэркэни оҥоро сылдьаллар. Бэрэбиэркэ түмүгүнэн, сокуоҥҥа тирэҕирбит быһаарыы ылыллыаҕа.