Хаартыска: minobrnauki.sakha.gov.ru
Өрөспүүбүлүкэтээҕи Үөрэх уонна билим, Урбаан уонна туризм министиэристибэлэрэ чааһынай уһуйааннар ортолоругар “Сыл иитээччитэ-2023” идэ куонкуруһун көҕүлээн, тэрийэн ыыттылар.
Сэттэ кыттааччы икки күн устата идэҕэ уопуттарын үллэһиннилэр, бэйэлэрин педагогическай оҥоһуктарын билиһиннэрдилэр уонна педагогическай маастарыстыбаҕа күрэхтэстилэр: интэриниэт-портфолиоларын, бэйэлэрин туһунан билиһиннэриилэрин ыыттылар, “Оҕолору кытта педагогическай тэрээһин”, “Идэҕэ соругу быһаарыы”, “Маастар-кылаас”, “Ток-шоу” курдук тургутуулары аастылар. Оскуола иннинээҕи бүддьүөт тэрилтэлэрин ортолоругар ыытыллар өрөспүүбүлүкэтээҕи куонкурустар курдук ыытылынна.
Үөрэҕи сайыннарар уонна идэ таһымын үрдэтэр институт лектора, педагогика билимин хандьыдаата Елена Колосова иилээн-саҕалаан ыыппыт бүтэһик түһүмэххэ, “Идэ туһунан кэпсэтии” ток-шоуга финалга хаалбыт үс лауреат ФГОС-ка сөп түбэһиннэрэн уһуйаан систиэмэтин аныгы ирдэбилин сайыннарыыга уонна олоххо киллэриигэ бэйэлэрин көрүүлэрин кэпсээтилэр. Бу III истиэпэннээх лауреатынан тахсыбыт “Белоснежка” уһуйаан (ИП Софронеева Л.С.) иитээччитэ Саргылана Протопопова, II истиэпэннээх лауреатынан буолбут “Бейби Сити” уһуйаан (ИП Ероскумова Е.Н.) иитээччитэ Алира Харайданова буолаллар. Оттон лауреаттартан бастыҥ иитээччини Үөрэх уонна билим, Үөрэҕи сайыннарар уонна идэ таһымын үрдэтэр институт, ХИФУ педагогическай институт бэрэстэбиитэллэриттэн, уопуттаах уһуйааччы-мэтэдиистэртэн, быйылгы куораттааҕы “Сыл иитээччитэ” куонкурус кыайыылааҕыттан турар дьүүллүүр сүбэ быһаарда. Муҥутуур кыайыылааҕынан “Мэри Поппинс” уһуйаан (ИП Назаров В.С.) иитээччитэ Надежда Рожина ааттанна. Куонкурус туһунан сиһилии манна ааҕыҥ.
Дария САННИКОВА, Үөрэҕи сайыннарар уонна идэ таһымын үрдэтэр институт пресс-киинэ.
Тохсунньу 11 күнүгэр Арчы дьиэтигэр "Оһуокай" түмсүү тэрийиитинэн, Чурапчы улууһугар аналлаах оһуокай үрдүк таһымнаахтык ааста.…
Саҥа дьыл барахсан, оннук-маннык итэҕэллэргэ, кирдээх бэлиитикэҕэ умньамматах, соҕотох алыптаах, оҕотуттан оҕонньоругар тиийэ дуоһуйа, астына…
Саха сирэ хорсун-хоодуот дьонунан аатырар, дойду устуоруйатыгар элбэх дьоруойу бэлэхтээбитэ, олор истэригэр Аҕа дойду Улуу…
Ааспыт сууккаҕа Саха сиригэр буруйу оҥоруу сэттэ түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…
«Якутскэнерго» ПАУо өрөспүүбүлүкэ олоҕо-дьаһаҕа бигэ туруктаах буолуутугар уотунан-сылааһынан хааччыйар дьоһун суолталаах тэрилтэнэн буолар. Хампаанньа генеральнай…
Бүгүн, тохсунньу 11 күнүгэр, өрөспүүбүлүкэ соҕуруулуу-арҕаа, хотугулуу-илин, илин өттүгэр кыралаан хаардыаҕа. Киин, арҕаа оройуоннарга туманнаах…