Бэҕэһээ, ахсынньы 22 күнүгэр, “Өрөгөй” успуорт комплексыгар элбэх киһи кыттыылаах “Чаҕылхай Максим суолунан” диэн тыйаатыр улахан туруоруутун көрдөрдүлэр.
Манна тыһыынча кэриҥэ култуура үлэһитэ кыттыыны ылла. Бу туруорууга өрөспүүбүлүкэ үгүс тыйаатырдара кыттыспыттар. Бу Максим Аммосов төрөөбүтэ 125 сылын бэлиэтиир тэрээһиннэр чэрчилэринэн ыытыллар.
Туруоруу режиссера — култуура кэллиэһин дириэктэрэ Захар Никитин, СӨ култууратын үтүөлээх үлэһитэ Мария Боппоенова сценарийа. Үҥкүүтүн-битиитин култуура туйгуна Алена Павлова туруорбут, сүрүн худуоһунньук — Елена Каган. Манна үҥкүүһүттэри кытта ХИФУ устудьуоннара, норуот тыйаатырдарын артыыстара кытыннылар.
“Бу туруоруу өрөспүүбүлүкэбит үбүлүөйүгэр анаммыт биир түмүктүүр тэрээһининэн буолар. Соторутааҕыта Бишкеккэ Саха сирин дэлэгээссийэтэ тиийэ сырытта, Максим Аммосов ЦК КП(б) бастакы сэкирэтээринэн үлэлээбит сиригэр. Онно СӨ Култуура министиэристибэтэ үҥкүү тыйаатырын кытта Киргизияҕа Арассыыйа сылын түмүктүүр улахан кэнсиэргэ кыттыыны ылбыппыт. Максим Кирович Аммосов пааматынньыгар сибэкки дьөрбөтүн уурбуппут”, — диэн кэпсиир СӨ Култуураҕа уонна духуобунай сайдыыга миниистирэ Юрий Куприянов. Миниистир САССР 100 сылыгар анаммыт биир сүрүн тэрээһин ахсынньы 25 күнүгэр, Намҥа, култуура дыбарыаһын аһыллыытыгар буолуохтааҕын туһунан иһитиннэрдэ.
“Чаҕылхай Максим суолунан” туруорууга ытык киһибит М.К.Аммосов сиэнэ Максим Аммосов ыалдьыттаан ааста. “Эһэм ыра санаата – Саха сирэ силигилии сайдыыта. Кини бу ыра санаата, мин санаабар, олоххо киирэ турар. Билэргит курдук, эһэм эрэпэриэссийэ сиэртибэтэ буолбута. Максим Аммосов улуу киһи этэ, кини олоҕун устата Киргизияҕа, Казахстаҥҥа тиийэ туһаны аҕалбыта. Кини сыдьаана буоларбынан киэн туттабын”, — диэн эттэ Чаҕылхай Максим сиэнэ.
Хаартыскалар Андрей Сорокин, СИА түһэриилэрэ
От ыйын 3 күнүттэн 5 күнүгэр диэри Нерюнгрига өрөспүүбүлүкэтээҕи Олоҥхо ыһыаҕа ыытылларынан сибээстээн, арыгыны атыылааһыҥҥа…
От ыйын 4-8 күннэригэр Дьокуускайдааҕы VIII норуоттар икки ардыларынааҕы киинэ бэстибээлэ ыытыллыаҕа. Быйылгы бэстибээл сүрүн…
Бүгүн Мииринэй оройуонугар баар «Саха сирин тыыннаах алмаастара» пааркаҕа («Живые алмазы Якутии») пааркаттан үөрүүлээх сонун…
Өлүөхүмэҕэ саҥа оҕо поликлиникатын үөрүүлээхтик астылар. Урут поликлиника 1980-с сыллардааҕы дьиэҕэ баар эбит. Билигин тэрилтэҕэ…
Дьокуускай куорат уокуругун үс оскуолатыгар саҥа дириэктэрдэр ананнылар. Дьокуускай куорат 17-с №-дээх орто уопсай үөрэхтээһин…
Саха сиригэр биир нэһилиэк урукку баһылыгар муниципалитет баайын-дуолун сымыйанан учуоттан уһулан, бэйэтигэр иҥэриммитигэр бириигэбэр сокуоннай…