«Чаҕылхайдык чаҕаарар чаабы-чыыбы чабырҕах». Кимнээх кыайдылар?

 Соторутааҕыта ыытыллыбыт  «Чаҕылхайдык чаҕаарар чаабы-чыыбы чабырҕах»  норуот айымньытын өрөспүүбүлүкэтээҕи бэстибээл-куонкуруһа Арассыыйаҕа Дьиэ кэргэн, Саха Өрөспүүбүлүкэтигэр Оҕо саас сылларыгар ананнылар.

Бырайыагы СӨ Тас сибээскэ уонна норуоттар дьыалаларыгар министиэристибэтэ, А.Е.Кулаковскай-Өксөкүлээх Өлөксөй аатынан норуоттар Доҕордоһууларын дьиэтэ, Мэҥэ Хаҥалас улууһун Г.Г.Колесов аатынан Олоҥхо дьиэтэ тэрийдилэр.

Бэстибээлгэ Таатта, Мэҥэ Хаҥалас, Чурапчы, Нам, Хаҥалас, Уус Алдан, Горнай, Кэбээйи улуустарыттан  154 киһи, ол иһигэр 140 оҕо, 23 фольклор бөлөҕө,  кытынна.

Күрэххэ чуолаан кыттааччылар тутталлара-хапталлара, тылларын баайа, тэтимнэрэ, төһө чуолкайдык саҥараллара уо.д.а. сыаналанна.

Бастыҥ толорооччулар анал  статуэткаларынан, дипломнарынан уонна  сэртипикээттэринэн наҕараадаланнылар:

Оҕолорго:

I үктэл  – Виталий Гоголев (салайааччы Любовь Монгуш), Чурапчы улууһа.

II үктэл –«Удьуор утумун уһугуннарыы» фольклор кэлэктиибэ (Лена Егорова), Дьокуускай к.

III үктэл  – «Харыйачаан» уһуйаан фольклорга кэлэктиибэ (Г.Г. Находкина), Уус Таатта.

Улахан дьоннорго:

I үктэл – Александра Максимова, Чурапчы улууһун Болтоҥо с.

II үктэл –«Чугдаар» фольклор кэлэктиибэ (сал. Валентина Кривошапкина, Ульяна Ефремова), Мэҥэ Хаҥалас улууһун Майа с.

III үктэл  – Айталыын Винокуров, Горнай улууһа.

Номинациялар:

1. «Чобуо чабырҕахсыт» — Айсена Афанасьева, Уус Алдан улууһун Дүпсүн с.
2. «Кэскиллээх чабырҕахсыт» — Эльмира Кривошапкина, Мэҥэ Хаҥалас улууһун Майа с.
3. «Сэҥээриилээх чабырҕахсыт» — Кэрэл Мордускина, Чурапчы улууһа.
4. «Дьүөрэ тыллаах чабырҕахсыт» — Мария Сабарайкина, Таатта улууһа.
5. «Баай тыллаах чабырҕахсыт» — Арианна Новгородова, Мэҥэ Хаҥалас улууһун Майа с.
6. «Ходьоҥ-идьэҥ хоһоонноох» — Карина Павлова, Мэҥэ Хаҥалас улууһун Майа с.
7. «Сытыы бөрүөлээх чабырҕахсыт» —Любовь Монгуш, Чурапчы улууһа.
8. «Сытыы тыллаах чабырҕахсыттар» —«Айыллаан» фольклор кэлэктиибэ (сал. Валентина Трофимова), Мэҥэ Хаҥалас улууһун Тиэлиги с.
9. «Хомоҕой тыллаах чабырҕахсыттар» —«Саһарҕа» фольклор кэлэктиибэ, Чурапчы улууһун Болтоҥо с.
10. «Чаҥый-Чаҕаан чабырҕахсыттар» —«Кэскилээнэ» фольклор кэлэктиибэ (сал. Светлана Шергина), Уус Алдан улууһа.
11. «Таайтарыылаах чабырҕахсыттар» —«Сардаҥа» фольклор кэлэктиибэ, (сал. Любовь Казакова), Хаҥалас улууһун Өктөм с.
12. «Былыргылыы тыллаах чабырҕахсыттар» — «Кылыһах» фольклор кэлэктиибэ, Таатта улууһун Кыйы с.
13. «Хоһуйсуулаах чабырҕахсыттар» — «Оторой-моторой» (сал. Любовь Монгуш), Чурапчы улууһа.
14. «Чаҕылхайдык чаҕаарар чаабы-чыыбы чабырҕахсыттар» — Мэҥэ Хаҥалас улууһун Бүтэйдээх орто оскуолатын фольклорга кэлэктиибэ (сал. Анастасия Васильева).
15. «Үөрэ-дьүөрэ тылынан сэҥээрдээччилэр» —«Сказка» оҕо уһуйаана, Мэҥэ Хаҥалас улууһун Аллараа Бэстээх с.
16. «Сытыы бөрүөлээх чабырҕахсыттар» —«Тэтим» фольклор кэлэктиибэ (сал. Айталина Верховцева, Рада Пермякова, Сардаана Григорьева).

«Чаҕылхайдык чаҕаарар чаабы-чыыбы чабырҕах»  өрөспүүбүлүкэтээҕи бэстибээл-куонкурус Гран-притын хаһаайынынан «Күбэйэ» фольклор бөлөҕө буолла.

Бэстибээл-куонкурус чэрчитинэн ыытыллыбыт сэминээргэ түөрт уопуттаах эспиэр-исписэлиис кытынна. Ону таһынан оҕолору кытары быһаччы үлэлиир, этнокултуурунай үөрэхтээһин салаатын билиҥҥи  кыһалҕаларын бэйэлэринэн билэр уопуттаах быраактык-учууталлар,  айар кэлэктиипэтэр салайааччылара уонна педагогтара кытыннылар.

Маннык куонкурустар сылтан сыл аайы улуустар географиялара кэҥээн иһэрин, фольклор кэлэктииптэрэ уонна биирдиилээн толорооччулар элбииллэрин, чабырҕах жанра сайдарын, толорооччулар маастарыстыбалара уонна таһымнара үрдүүрүн көрдөрөллөр.