Чалбаҕынан туолбут уулуссалар

Саас буолла да, Дьокуускай куорат  омуна суох ууга устар диэн этиэххэ сөп. 

Ол курдук, киин куорат Аппа уҥуор оройуонун хас биирдии аппата, дьаамата барыта чалбаҕынан туолан, сатыы киһитээҕэр буолуох массыыналар нэһиилэ ааһаллар. Ол туһунан киин куорат оройуонун олохтооҕо Наталья Васильева санаатын үллэһиннэ:

— Куорат кииниттэн син чугас олорор курдукпут. Ол эрээри оннооҕор сатыы дьиэбититтэн киинэҕэ да, тыйаатырга да барарбыт уустугурда. Аппалар барыта уунан туолан тураллар. Бадараан, кир-хох. Бу төрүт кумаҕа суох дойдуга олорор курдукпут. Уопсайынан, Аппа уҥуор оройуон бары саҥа тутууларын тула суол-иис дьаабы! Аспаал да оҥоһуллуон сөп этэ. Сатыы дьоҥҥо хаптаһынтан да тротуар оҥоһуллуон сөп.