Хаартыска: SakhaGov
Хаҥалас улууһун Чапаево сэлиэнньэтигэр арыллыбыт саҥа модульнай биэлсэр-акушер пууна аныгы ирдэбиллэргэ барытыгар эппиэттиир, биэлсэр уонна акушер кэбиниэтэ наадалаах тэриллэринэн сэбилэннэ.
Ону таһынан процедура кэбиниэтэ, эмтэнээччилэр күүтэллэригэр аналлаах миэстэ, санитарнай узел, үлэһиттэр хосторо, эмтэри харайар хос бааллар.
«Биэлсэр-акушер саҥа пууна баар буолбута Чапаево сэлиэнньэҕэ быраас кэлиэн иннинээҕи мэдиссиинэ көмөтүн оҥоруу таһымын үрдэтиэҕэ, диспансеризациялар уонна мэдиссиинэ чинчийиилэрэ ыытыллыахтара”, — диэн Хаҥалас улууһун Оройуоннааҕы киин балыыһатын кылаабынай бырааһа Артур Протодьяконов иһитиннэрдэ.
Бу сыл бэс ыйыгар Хаҥалас улууһугар өссө биир саҥа биэлсэр пууна Төхтүр сэлиэнньэтигэр баар буолбута.
«Тута икки биэлсэр-акушер пууна тута баар буолбута– биһиги улууспут доруобуйатын харыстабылын сайдыытыгар саҥа уонна улахан суолталаах түһүмэх. Бу — олус элбэх дьон дьаныардаах үлэтин түмүгэ”, — диэтэ кылаабынай бырааһы солбуйааччы Надежда Протодьяконова.
Санатан эттэххэ, Чапаево сэлиэнньэтигэр биэлсэр-акушер пуунун тутуу быйыл ыам ыйыттан РФ бэрэсидьиэнэ Владимир Путин көҕүлээбит “Доруобуйа харыстабыла” национальнай бырайыагын чэрчитинэн саҕаламмыта.
Эдэриттэн эмэнигэр тиийэ саҥа сылы кытта хайаан даҕаны үтүө, кэрэ кэлиэҕэ, эһиил быйылгытааҕар өссө ордук…
Кистэл буолбатах, үгүстэргэ “мин билэр буоллум да, киһи барыта билиэхтээх” диэн өйдөбүл иҥэн хаалбыт. Билбэтин…
Бүгүн, ахсынньы 21 күнүгэр, өрөспүүбүлүкэ баһыйар үгүс өттүгэр кыралаан хаардыаҕа. Халымаҕа, Аллайыахаҕа хаар сөбүгэр түһүөҕэ.…
Бүгүн Күн салайар күнэ — өрөбүл. Онон айар-тутар эрчим, үөрүү-көтүү уонна сырдык баһылыаҕа. Онуоха эбии,…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ыйытыыга Арассыыйа ФНС Саха Өрөспүүбүлүкэтигэр управлениетын 1 разрядтаах исписэлииһэ Пелагея Гуляева маннык хоруйдаата: — Арассыыйа ФНС саайтыгар…