Чаппанда аттыгар турбут баһаар умуруорулунна

Бүгүн Ньурба улууһун Чаппанда нэһилиэгин Харыйалаах сиригэр турбут баһаары умуруордулар диэн СӨ экологияҕа, айылҕаны туһаныыга уонна ойуур хаһаайыстыбатыгар министиэристибэ пресс-сулууспата иһитиннэрэр.

Ньурба улууһугар бүгүҥҥү туругунан уопсайа икки 2052 га иэннээх баһаар Атыйах диэн сиргэ баара биллэр. Онно 58 киһи, ол иһигэр «Авиалесоохрана» тэрилтэттэн – 45, ойуур хаһаайыстыбатыттан – 1, олохтоохтортон 12 киһи уонна 3 тиэхиньикэ үлэлээтэ.

Уолбут диэн сиргэ уот 15 га иэннээх сири сиэтэ, онно 16 киһи уоту кытта охсуһар. Нэһилиэнньэлээх пууннарга уонна экэниэмикэ эбийиэктэригэр куттал суоһаабат.