Хаартыска "Биир ньыгыл Арассыыйа" баартыйа Саха сиринээҕи салаатын пресс-сулууспатын тиксэриитэ
Бу күннэргэ Ньурба улууһун Чаппандатыгар «Сылгыһыт күрэҕэ»диэн сүүмэрдиир күрэхтэһии буолан ааста. Күрэхтэһии Саха сиригэр Сылгыһыт күнүгэр ыытыллар күрэхтэһиигэ бэлэмнэнии быһыытынан ыытылынна.
Тэрээһини үөрүүлээх аһыыга СӨ Ил Дарханын сүбэһитэ Георгий Балакшин, Ньурба улууһун баһылыга, «Биир ньыгыл Арассыыйа» баартыйа Ньурбатааҕы салаатын сэкирэтээрэ Алексей Иннокентьев, Чаппанда баһылыга Краснослав Бухолов уонна Ньурба улууһун тыатын хаһаайыстыбатын департаменын салайааччы Леонид Ушканов кытыннылар. Санатар буоллахха, быйылгы тэрээһин Социалистическай Үлэ Дьоруойа, биллэр-көстөр сылгыһыт Тимофей Спиридонович Лукин төрөөбүтэ 110 сылыгар ананна.
Күрэхтэһии түмүгүнэн бастакы миэстэни Октябрьскай нэһилиэгин (80 тыһ. солк сэртипикээт), иккис миэстэни Чаппанда нэһилиэгин (60 тыһ. солк сэртипикээт) уонна Ньурбачаан нэһилиэгин (40 тыһ. солк сэртипикээт) хамаандалара ыллылар. Кыайыылаах хамаанда кулун тутар 21-22 күннэригэр Амма улууһугар ыытыллар Сылгыһыт күнүгэр аналлаах өрөспүүбүлүкэтээҕи күрэхтэһиигэ кыттыаҕа.
«Маннык хабааннаах күрэхтэһиилэри тэрийэри биир бэйэм олус наадалааҕынан ааҕабын. Тоҕо диэтэххэ, сылгыны иитиигэ улахан көдьүүстээҕэ чуолкай. Ону тэҥэ, сылгыһыт идэтин таһымын үрдэтиигэ улахан көмөнү оҥорор. Тэрээһин ыырын өссө кэҥэтиэххэ наада. Ол курдук, кэлиҥҥи кэмҥэ манна туристар болҕомтолорун ууран эрэллэр. Сарсын буолуохтаах өрөспүүбүлүкэтээҕи тустаах күрэхтэһиигэ кыттаары сылдьар сылгыһыттарга ситиһиилэри баҕарабын», — диэн Георгий Балакшин санаатын үллэһиннэ.
Түүн үөһүгэр, 02:24 ч. Мэҥэ Хаҥалас улууһун Павловскай нэһилиэгэр чааһынай дьиэҕэ уот турбутун туһунан Майатааҕы…
Мукучу нэһилиэгэр олунньу 14 күнүгэр Арассыыйаҕа Норуоттар сомоҕолоһууларын, Саха Өрөспүүбүлүкэтигэр Култуура, Кэбээйи улууһугар Олоҥхо сылларыгар…
Олунньу 14-15 күннэригэр Дьокуускай куорат “Модун” спорт уораҕайыгар Гаврил Десяткин - Күүстээх Дэһээккин кэриэһигэр мас…
Байыаннай дьайыыга сырдык олоҕун толук уурбут, Күндэйэ хорсун буойуна Андриан Николаевка аналлаах быыстапкаҕа дьон-сэргэ тоҕуоруһа…
Дьокуускай куорат дьаһалтатын планеркатыгар иһитиннэрбитинэн, олунньу 16 күнүнээҕи туругунан, ОРВИнан уонна гириибинэн сибээстээн Физико-тиэхиньиичэскэй лиссиэй…
Ааспыт сууккаҕа Саха сиригэр буруйу оҥоруу икки түбэлтэтэ тахсыбыт. Манан процессуальнай бэрэбиэркэни ыытыыны уонна холуобунай…