Чараас муус кутталлаах

Оҕолор снегоходунан Бүлүү эбэни туоруур видеолара тарҕанна.

Суруйбуттарынан Үөһээ Бүлүү улууһугар диэбиттэр. Бу туһунан Саха Өрөспүүбүлүкэтин Быыһыыр сулууспатын Бүлүүтээҕи көрдүүр-быыһыыр этэрээтин начаалынньыга Михаил Ан этэринэн, кини Үөһээ Бүлүү улууһун ГИМС судаарыстыбаннай иниспиэктэрэ Александр Долгунову, ГАИ начаалынньыга Илья Осиповы, ЕДДС начаалынньыга Владислав Адамовы кытта Үөһээ Бүлүү сэлиэнньэтин аннынан баран көрбүттэр уонна муус халыҥын бэрэбиэркэлээбиттэр. Онно туораабыт сирдэринэн 20 см халыҥнаах эбит. Снегоход сылдьарыгар муус халыҥа аччаабыта 15 см буолуохтаах. Ол эрээри, билигин да сылдьарга эрдэ диэн салайааччы эппит.

Чараас мууһунан айанныыр билигин ханна да сэрэхтээҕин умнумаҥ.