Салгыы
Дьокуускайга чараас муустаах күөлгэ оҕолор киирдилэр

Дьокуускайга чараас муустаах күөлгэ оҕолор киирдилэр

10.10.2022, 14:58
Бөлөххө киир:

Бу сарсыарда Дьокуускайга хаар балай эмит түспүт. Бүгүн эбиэккэ диэри 25  суол быһылаана тахсыбыт. Бу туһунан эрэгийиэннээҕи ГИБДД иһитиннэрэр.

Ол курдук, массыыналар саахалланар быһылааннарын сүрүн биричиинэтинэн аһары түргэнник сылдьыы уонна суол халтараана буолар. «Сарсыардаттан суолга  биэс быһылаан тахсыбыт. Салгыы 20 быһылаан «Госуслуги Авто» диэн сыһыарыыга боротокуолланна», — диэн биэдэмистибэ пресс-сулууспата иһитиннэрэр.  Хаар түһэ-түһэ ириэрэр, түүнүн тоҥорор кэмигэр суолга сэрэхтээх буолуу ирдэнэр.  Маны сэргэ, сатыы сылдьааччылар суолу туоруурга болҕомтолоох буолуҥ.

Аҕыйах хонуктааҕыта Дьокуускайга ДСК оройуонун күөлүгэр оскуола оҕолоро саҥа тоҥмут чараас муус үрдүнэн сүүрэ сылдьар хаартыскалара бассаап ситимигэр тарҕаммыта. Оттон бэҕэһээ, алтынньы 9 күнүгэр, бу күөлгэ ыт ууга түһэн булумахтана сылдьар видеота эмиэ тарҕанна. Билигин муус чараас. Хаар төһө да түспүтүн, түүн тоҥорбутун иһин, мууһунан сылдьарга өссө да эрдэ. ДСК оройуонун күөлэ оскуолаттан чугас, үөрэнээччилэргэ олус сэрэхтээх буолбут. Төрөппүттэр болҕомтолоох буолуҥ, оҕолоргут чараас мууска киирбэттэрин курдук сэрэтэр үлэни ыытыҥ!

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
12 июня
  • 16°C
  • Ощущается: 15°Влажность: 51% Скорость ветра: 3 м/с

Сообщить об опечатке

Текст, который будет отправлен нашим редакторам: