Хаартыска: И.Мигалкин архыыбыттан
Бэс ыйын 6 күнүгэр Уус Алдан улууһугар “Мигалкин самаан сайына” диэн литература бэстибээлэ киэҥ далааһыннаахтык ыытыллыаҕа.
Бэстибээл Аҕа дойду Улуу сэриитигэр Кыайыы 80 уонна саха суругунан литературата 125 сылларыгар ананар.
Тэрийээччилэр уонна кыттааччылар бэс ыйын 6 күнүгэр Чараҥ сэлиэнньэтигэр Нэлээн диэн кэрэ айылҕалаах сиргэ мустуохтара.
Бэстибээли СӨ Суруйааччыларын ассоциацията, култуура улуустааҕы управлениета, Уус Алдан улууһун Киин бибилэтиэкэтэ, Сэһэн Ардьакыап аатынан устуоруйа-кыраайы үөрэтэр түмэл, “Мүрү саһарҕата” хаһыат эрэдээксийэтэ, Мүрү, I Хоро уонна II Лөгөй нэһилиэктэр дьаһалталара, “Уһуктуу” литература түмсүүтэ тэрийэн ыыталлар.
Тэрийээччилэр иһитиннэрэллэринэн, бэстибээл Саха сирин аныгы литературатын сайыннарарга, саҥа талааннары арыйарга, Саха сирин суруйааччылара литератураҕа бииргэ үлэлэһиилэрин бөҕөргөтөргө, Саха Өрөспүүбүлүкэтин норуодунай суруйааччыта Иван Васильевич Мигалкин олоҕун уонна айар үлэтин нэһилиэнньэ киэҥ араҥатыгар сырдатарга туһуланар.
Киэҥ далааһыннаах тэрээһин балаһыанньатын быһыытынан, кыттааччылар Иван Мигалкин хоһооннорун өйтөн дорҕоонноохтук ааҕыахтара, эдэр ааптардарга поэзия күрэҕэ, прозаиктарга “Мин – суруйааччыбын” куонкурус, бэриллибит тиэмэҕэ тута хоһоон суруйууга куонкурус буолуохтара. Ону сэргэ литература улуустааҕы түмсүүлэрин эҕэрдэлэрэ, суруйааччылар автограф-сиэссийэлэрэ, кинигэ атыыта кыттааччылар уонна ыалдьыттар болҕомтолорун ылыаҕа.
Куонкурус балаһыанньатын улуустааҕы Киин бибилэтиэкэ саайтыгар көрүөххэ сөп.
“Мигалкин самаан сайына” бэстибээлгэ 18-тан үөһээ саастаахтар (олорор сириттэн, сойуус чилиэнэ буоларыттан-буолбатыттан тутулуга суох) кыттыахтарын сөп. Кыттыан баҕалаахтар бэс ыйын 3 күнүгэр диэри сайаапкаларын электроннай көрүҥүнэн e-mail: uacbsbor@mail.ru ыыталлар.
Билсиҥ: сайт: uacbs.ru
Е-mail: uacbsbor@mail.ru
Телеграм: https://t.me/LfvVQNnFzjE3ZTA6
"Айар" национальнай кинигэ кыһата сыл литературнай түмүктэрин ("Сыл бастыҥнара") билиһиннэрэр, эҕэрдэлиир долгутуулаах уонна үөрүүлээх тэрээһинэ…
Бэҕэһээ, олунньу 10 күнүгэр, Чурапчы улууһугар И. Е. Федосеев - Доосо аатынан Дириҥ орто агро-оскуолатыгар…
Боксаҕа Арассыыйа үтүөлээх маастара, Олимпийскай оонньуулар кыттыылааҕа, аан дойду чөмпүйэнээтин үрүҥ көмүс призера Василий Егоров…
Дьокуускай куораттааҕы үөрэх управлениета иһитиннэрбитинэн, олунньу 11 күнүнээҕи туругунан, 20 үөрэх тэрилтэтигэр ОРВИнан сибээстээн быстах…
Ханнык баҕарар балыгы буһарыах иннинэ маринадка туруордахха, олус минньигэс буолар. Оттон ону эбии пиибэлээх клярга…
Суруйааччы Константин Эверстов кылгас кэм иһигэр икки саҥа кинигэтэ таҕыста. Ол курдук, ааспыт сыл ахсынньытыгар…