«Чараҥнар» үбүлүөйдээх сылларын бэлиэтээтилэр

Share

Бу ый саҥата   дьон-сэргэ киэн биһирэбилин ылбыт «Арчы Дьиэтэ» Духуобунай киин иһинэн үлэлиир «Чараҥ» ырыа ансаамбыла 15 сылын бэлиэтиир дьоро киэһэтэ  Үүнэр көлүөнэ тыйаатырыгар  ыытылынна. Тэрээһин Саха Өрөспүүбүлүкэтигэр  Учуутал уонна Уһуйааччы сылыгар итиэннэ  Учуутал күнүгэр ананна.

Бу сыллар усталарыгар ансаамбыл бэйэтин кыаҕынан  куорат араас тэрээһиннэригэр көхтөөхтүк кыттан, өрөспүүбүлүкэҕэ ыытыллар үгүс ырыа күрэҕин дипломана, лауреата буолбута.  4 төгүл аан дойдутааҕы бэстибээлгэ (Болгарияҕа -2011 с., 2014 с., Италияҕа – 2018 с., Саха сиригэр  — 2014 с. Алтын Майдаан) ситиһиилээхтик кыттыбыта,  «Золотой Орфей» (2011 с.) үрдүк наҕараада хаһаайынынан буолбута. Ситиһиилэр,  биллэн турар,  үгүс сыраттан, үлэттэн кэлэллэр.  Ансаамбыл салайааччылара: СӨ култууратын туйгуна Ефросиния Михайловна уонна СӨ култууратын үтүөлээх үлэһитэ, РФ үөрэҕириитин туйгуна, СӨ култууратын туйгуна Валерий Герасимович Ивановтар  дьаныардаах, кыһамньылаах, сыралаах үлэлэрин түмүгэ буолар. Онуоха кэлэктиип биир тыынынан ситимнэнэн,  өйдөһөн  олороро төһүү күүс буолар.

Дьүрүскэн  ырыа түһүлгэтигэр «Чараҥ» ырыа ансаамбыл айар-тутар үлэтигэр  бииргэ үлэлэспит доҕотторо кыттыыны ыллылар: РФ үтүөлээх  артыыһа, СӨ норуодунай артыыһа  Дмитрий Артемьев, Үүнэр көлүөнэ тыйаатырын артыыстара,  СӨ үтүөлээх артыыстара: Мария Данилова, Марина Корнилова,  СӨ култууратын үтүөлээх  үлэһитэ  Дмитрий Иванов,  Үүнэр көлүөнэ тыйаатырын артыыстара: СӨ култууратьын туйгуннара  Мира Охлопкова, Екатерина Семенова, СӨ култууратын туйгуна, норуокка биллэр ырыаһыт  Сиэйэ Уола-Айылыатта Дьырылыат, СӨ култууратын туйгуна, этно-ырыаһыт Кыталы Куо, СӨ култууратын туйгуна Петр Кычкин, хомусчут   Мария Иванова.

«Чараҥ» ырыа ансаамбыла киһи өйүттэн-сүрэҕиттэн сүтэн хаалбат, норуот таптыыр ырыаларын: “Маҥнайгы учууталбар”,  «Туойуоҕуҥ үлэ киһитин!», «Үчүгэй», “Уоттаах түүҥҥү Дьокуускай»,  «Сулустар”,  «Ферма кыргыттара» уо.д.а. ырыалары  үбүлүөйдээх айар киэһэлэригэр байаан тыаһыгар доҕуһуоллатан ыллаан, урукку кэми санатан,  күндү көрөөччүлэр дууһаларынан дуоһуйа-астына ылыннылар.

Ансаамбыл салгыы ситиһиилээхтик айа-тута, ыллыы-туойа эдэрдии эрчимин ыһыктыбакка сылдьарыгар, үгүс дьон сүгүрүйүүтүн ыла турарыгар  баҕарабыт!

Любовь КОНСТАНТИНОВА-Кыталы Куо, «Арчы Дьиэтэ» духуобунай култуура киинин уус-уран салайааччыта, СӨ култууратын туйгуна

Recent Posts

  • Сонуннар
  • Уопсастыба

Алексей Еремеев: «Үүнэн эрэр Саҥа 2026 сылынан!»

Күндү Саха сирин олохтоохторо! Эһигини үүнэн эрэр Саҥа 2026 сылынан уонна Ороһуоспанан Саха Өрөспүүбүлүкэтин Ил…

34 минуты ago
  • Сонуннар
  • Сүрүн

Уот кыһыл ат сылыгар туох күүтэрий?

Илиҥҥи халандаар этэринэн, хас биирдии сыл гороскопка баар 12 кыыл салалтатынан ааһар. Үүнүөхтээх 2026 сыл…

2 часа ago
  • Сонуннар
  • Сүрүн

Айсен Николаев: «Ис сүрэхпиттэн үүнэн иһэр 2026 сылынан эҕэрдэлиибин!»

Ис сүрэхпиттэн үүнэн иһэр 2026 сылынан эҕэрдэлиибин! Биһиги XXI үйэ иккис чиэппэригэр үктэнэбит. Бэлиэ түгэннэринэн, чаҕылхай ситиһиилэринэн…

3 часа ago
  • Сонуннар
  • Сүрүн

Күн-дьыл туруга: ахсынньы 31 күнэ

Бу күннэргэ күн-дьыл хайдаҕый? Төһө тымныйарый? Хаар түһэр дуо? Өрөспүүбүлүкэ арҕаа өттүгэр сорох сиринэн кыра…

3 часа ago
  • Сонуннар
  • Уопсастыба

Саха сириттэн — Кытай Харбинын хаар уонна муус бэстибээлин дьүүллүүр сүбэтигэр

Бу ый саҥатыгар Норуоттар икки ардыларынааҕы “Саха сирин бриллианнара” хаар уонна муус оҥоһук бэстибээлигэр араас…

16 часов ago
  • Сонуннар
  • Уопсастыба

Ил Түмэн дьокутаата Гаврил Алексеев быыбардааччыларын кытта өрүү бииргэ

Ааһан эрэр 2025 сыл Өймөкөөн улууһун олохтоохторугар айылҕа иэдээнэ -- алдьатыылаах халаан үгүс хоромньуну оҥорон,…

16 часов ago