Чэгиэн-чэбдик буоларга туһуламмыт нэдиэлэ

Саха сиригэр физическэй көхтөөх буолуу суолтатын туһунан иһитиннэрии нэдиэлэтэ саҕаланна.

Ол курдук, бэс ыйын 16-20 күннэригэр Саха сиригэр дьон-сэргэ чэгиэнник-чэбдиктик сылдьарыгар туһуламмыт нэһилиэнньэ болҕомтотун тардар сыаллаах көхтөөхтүк сэрээккэлээһин, физизическэй хамсаныы-имсэнии суолтатын туһунан иһитиннэрии нэдиэлэтэ ыытыллар.

Эспиэрдэр бэлиэтииллэринэн, күҥҥэ 30 мүнүүтэ аргыыйдык сэрээккэлээһин, хамсаныы сүрэх-тымыр ыарыытын, 2 типтээх диабеты, уойууну, депрессияны намыратарга көмөлөһөр. Ордук оҕолор, ыччаттар хамсана-имсэнэ үөрэнэллэрэ наада, ону сэргэ, улахан дьону көҕүлүүр сыаллаах-соруктаах маннык нэдиэлэ ыытыллар диэн бэлиэтииллэр.

Нэдиэлэ устатыгар манна туһуламмыт араас тэрээһиннэр ыытыллыахтара. Мэдиссиинэ исписэлиистэрэ телебиэриилэргэ, араадьыйанан биэриилэргэ кыттыахтара, СМИ уонна социальнай ситимнэргэ иһитиннэриилэр, матырыйааллар тахсыахтара.

Сиһилии https://www.sakha.gov.ru/news/6592 манна киирэн көрүҥ.

СӨ Ил Дарханын уонна Бырабыыталыстыбатын пресс-сулууспата