Хаартыскаҕа Денис Попов түһэриитэ
Быйыл Саха сиригэр физкултуурунай хамсааһын 100 сылынан бырайыак 100 нэһилиэккэ үлэлиэ. Билиҥҥитэ бырайыакка 70 нэһилиэк кыттыспыт. Бүгүн, кулун тутар 22 күнүгэр, «Сахамедиа» холдинг медиа-киинигэр бырайыак саҕаламмытын үөрүүлээх быһыыга-майгыга биллэрдилэр.
«Успуорт уонна физическэй култуура сайдыытыгар биһиги өрүү улахан болҕомтобутун уурабыт. Аҕа көлүөнэни болҕомтото суох хаалларар табыллыбат, маныаха уһун үйэлэнии уонна адаптивнай успуорт бырагырааматын эмиэ. Биһиэхэ араас таһымнаах тэрээһиннэр, бырайыактар олоххо киллэриллэллэр. «Чэгиэн олохтоох нэһилиэк» курдук бырайыагы өйүөххэ уонна өрөспүүбүлүкэҕэ бүттүүн сайыннарыахха наада«, — диэн бэлиэтээн турар Ил Дархан Айсен Николаев.
СӨ Бырабыыталыстыбатын бэрэссэдээтэлин солбуйааччы Сергей Местников эппитинэн, өрөспүүбүлүкэ бүддьүөтүттэн бырайыагы олоххо киллэрэргэ 15 мөл.солк. көрүллүбүт. Ол иһигэр, муниципальнай тэриллиилэр араас турнирдары ыыталларыгар, успуорт тэрээһиннэрин тэрийэргэ, успуорка аналлаах араас малы-салы, мэтээллэри, кубоктары, грамоталары ыларга.
«Успуордунан дьарыктанарга нэһилиэктэр, куораттар олохтоохторун угуйар, көҕүлүүр олус наада. Ол иһин бу «Здоровый наслег» диэн бырайыак толкуйдаммыта. Бырайыакка кыттааччы хас сыл ахсын элбээн иһэригэр эрэнэбин«, — диэтэ Сергей Местников.
Бырайыак аата да этэрин курдук, дьоҥҥо-сэргэҕэ чөл, чэгиэн олоҕу тарҕатар, сөптөөх хамсаныыны-имсэниини көҕүлүүр, хаамыыны, сүүрүүнү, бэлисипиэтинэн хатааһылааһыны, харбааһыны, доруобуйаны чэбдигирдиини киэҥник тарҕатар соруктаах.
Бырайыакка кыттар нэһилиэккэ дьону-сэргэни кытта уопсастыбаннай инструктордар үлэлэһэллэр. Физкултуурунай-чэбдигирдэр, спортивнай-маассабай тэрээһиннэри тэрийэллэр. Кинилэр ХИФУ физкултуураҕа уонна успуорка институтугар кууруска үөрэммиттэр.
Бииргэ үлэлэһэргэ, бырайыагы олоххо киллэрэргэ нэһилиэктэр баһылыктара бырайыак операторын «Управление физической культуры и массового спорта» ГБУ кытта сөбүлэһии түһэрсибиттэр.
Санатан эттэххэ, 2021 сылтан 30 муниципальнай тэриллии үлэлэспит. Маныахха пилотнай бырайыакка үлэлэспит нэһилиэктэри көрдөххө, 2022 сыл түмүгүнэн, доруобуйаны чэбдигирдэр тэрээһининэн нэһилиэнньэ 67% хабыллыбыт. Үлэ «Успуорт — олох нуорумата» бырайыак иитинэн ыытыллар.
2024 сылга диэри Саха сиригэр физическэй култууранан уонна успуордунан нэһилиэнньэ 55%, 2030 сылга диэри 70% хабыллыахтаах диэн сорук турар.
СӨ Ил Дарханын уонна Бырабыыталыстыбатын пресс-сулууспата
Судаарыстыбаннай Дуума дьокутаата Игорь Антропенко оскуолаларынан оҕолорго Сэбиэскэй кэминээҕи Саҥа дьыллааҕы остуоруйалары көрдөрөр туһунан этии…
Ас-үөл хаачыстыбатыгар уонна куттала суох буолуутугар Ил Дархан иһинэн координационнай сэбиэт мунньаҕар оскуолалары, уһуйааннары, социальнай…
Саха сиригэр дойду биир саамай бөдөҥ уонна технологическай өттүнэн уустук инфраструктурнай бырайыага – Өлүөнэ күргэтин…
Өрөспүүбүлүкэ борокуруора Сергей Дябкин сорудаҕынан, Ленскэй улууһун борокуратуурата Ленскэй куорат «Севернай» түөлбэҕэ хас да элбэх…
Саҥа дьыллааҕы бырааһынньыктары көрсө Судаарыстыбаннай Дуума дьокутаата Олег Леонов ТАСС-ка биэрбит кэпсэтиитигэр пиротехниканы куттала суох…
ИДьМ сулууспатын Ньурба улууһун отделын дьуһуурунай чааһыгар олохтоох киһи суотабай төлөпүөнүн уорбуттарын туһунан сайабылыанньа суруйбут.…