Сүбэһит: чэй арааһа, талбыта

Чэй оҥостон иһиэхпитин баҕардахпытына, ханнык оту хаһан, хайдах үргээн, куурдан, хатаран чэй оҥорор туһунан дьон элбэҕи билэллэр. Сүбэ-ама биэрэллэр.

Сир хортуоската от чэйэ

Маннык чэй баарын истибиккит дуо? 1 ост.нь. сэбирдэх, 1 ыст. оргуйбут уу.

Сир хортуоскатын сэбирдэҕин хомуйан хатараллар. Сэбирдэҕи, оргуйбут ууну чаанньыкка кутан уот кытыытыгар ууран оргуппакка эрэ бардараллар.  Сылаас үүттээх чэй курдук иһэллэр.  Маннык чэй хааннара аҕыйах дьоҥҥо туһалаах, онон күн аайы иһиэхтэрин сөп.

Кучу чэй

1 ост. нь. сэбирдэх, 1 ыст. оргуйбут уу.

Кучу оту күһүн хаппытын кэннэ сэбирдэҕин, умнаһын хомуйан ылан инники бэлэмнэммитин курдук чэй оҥороллор. Куртахтара, оһоҕосторо ыалдьар дьоҥҥо уоскутар эмп быһыытынан туһалаах.

Е.Ф.Кузьмина, «Саха төрүт аһа-үөлэ» кинигэтиттэн
«Бичик», 2006 с.

Маны сэргэ, өссө балары ааҕыҥ: https://sakha-sire.ru/sybehit-hannyk-chej-orduguj-hara-ebeter-kyeh/

https://sakha-sire.ru/sybehit-chej-kynyger-kuchu-cheji-ihin/,