Хаартыска: Ааптар тиксэриитэ.
Өрөспүүбүлүкэҕэ биллэриллибит Үлэ сылыгар анаммыт П.Д.Аввакумов аатынан Киин библиотека Горнай улууһун үлэһит дьиэ кэргэтттэригэр болҕомто ууран, кинилэр баай уопуттарын билиһиннэрэр уонна сырдатар сыаллаах «Горнай улууһун үлэһит дьиэ кэргэттэрэ» бырайыагы бу сыл устата ыытар. Кировскай нэһилиэгэр Даниловтар үлэһит династиялара СӨ Бастыҥ үлэһит династияларын Бочуотун Кинигэтигэр 2018 сыллаахха киирбиттэрэ. Уопсай тыа хаһаайыстыбатыгар үлэлэрин ыстааһа- 689 сыл.
Саха сирин үлэһит династияларын Бочуотун кинигэтигэр киирбит үлэһит Даниловтар династияларын чиэстиир, “Сир” бааһынай хаһаайыстыба тэриллибитэ 30 сылын, сайылык күнүн бэлиэтиир үөрүүлээх тэрээһини киин библиотека, тыа хаһаайыстыбатын управленията, Кировскай нэһилиэгин дьаһалтата, кулууба, Чэкээ сайылыгын олохтоохторо тэрийэн, бэлэмнээн үрдүк таһымҥа ыыттылар.
Саха киһитэ сайылыкка тахсар үөрүүлээх күнүн бэлиэтиир алгысчыт Степан Терентьев алгыһынан саҕаланна. Горнай улууһун баһылыга Никита Андреев, СӨ тыатын хаһаайыстыбатын министерствотын сүөһү иитиитигэр уонна племенной үлэҕэ департамент салайааччытын солбуйааччыта Галина Осипова, Кировскай нэһилиэгин баһылыга Савва Данилов, тыа хаһаайыстыбатын управлениетын начальнигын эбээһинэһин толорооччу Мария Максимова тыа хаһаайыстыбатын салаата сайдыытыгар, үрүҥ илгэни, олохтоох эти үксэтиигэ илиитин араарбакка үлэлии сылдьар Сир бааһынай хаһаайыстыба үлэһиттэрин, бэтэрээннэрин эҕэрдэлээтилэр. Хаһаайыстыба үлэһит дьонун чиэстээтилэр, наҕараадалары туттартаатылар.
Хаһаайыстыбаны өр сылларга сүөһү иитиитигэр илиитин араарбакка үлэлээбит, хас биирдии ынаҕыттан 3000 кг. ыабыт бастыҥ ыанньыксыт, “Үлэ Албан аата” орден 3-с степенин кавалера, Горнай улууһун Бочуоттаах олохтооҕо, күн күбэй ийэлэрэ Данилова Мария Петровна тэрийбитэ. Хаһаайыстыба бастаан тэриллэригэр 21 ынах сүөһү баара, билигин 260 ынах сүөһүлээх өрөспүүбүлүкэ биир бөдөҥ бааһынай хаһаайыстыбата буола үүннэ. Үлэни өрө туппут Даниловтар үлэһит династияларын салҕааччы Петр Петрович удьуор утумун салҕаан, төрүт дьарыкка сыстан хаһаайыстыба туруу үлэһиттэрин дьаныардаах үлэтинэн уһулуччу көрдөрүүлэри ситистэ.
Кировскай нэһилиэгин дьаһалтата сылын аайы сайылык күнүн, саха төрүт үгэһин чөл тутар уонна тыа хаһаайыстыбатын аһын-үөлүн дэлэтэр сыаллаах сайылык күнүн бэлиэтииллэр. Сайылык оонньууларыгар күрэхтэһии ыытылынна. Дьон-сэргэ бэркэ сэргэхсийэн, астына-дуоһуйа сынньанан тарҕастылар.
Айталина Санникова,
библиотекарь.
Болуодьа үлэтиттэн кэлээт, кураанах оҥойон турар оронугар сууллан түстэ. Дьэ буоллаҕа, Иирэтэ эмиэ ханна эрэ…
Балаҕан ыйын 12 күнүгэр ИДьМ Жатайдааҕы полициятын дьуһуурунай чааһыгар, Жатай бөһ. Севернай уулуссаҕа эдэр ыччаттар…
«Воин» киин өрөспүүбүлүкэҕэ ыытыллар Бүтүн Арассыыйатааҕы байыаннай-тактическай «Путь Воина» күрэхтэһиитин түмүктүүр түһүмэҕин ыытыы бэлэмин бэрэбиэркэлээтилэр.…
Балаҕан ыйын 13 күнүгэр Үөһээ Бүлүү улууһун Н.А. Золотарев аатынан Боотулуу орто оскуолатыгар сылын ахсын…
Дьокуускай куоракка анал дьупулуомнаах уонча остеопат-быраас баарыттан биирдэстэринэн травматолог-быраас, ортопед, остеопат уонна мануальнай терапевт Иван…
Бүгүн быыбардыыр учаастактарга элбэх ыччат кэлэн гражданскай иэстэрин толордулар. Бу хаартыскаларга өрөспүүбүлүкэбит араас улуустарыгар быыбардыыр…