Чөл олохтоох Бэрдьигэстээх эр дьоно көхтөөхтүк сынньаналлар

Быйыл тохсунньу 8 күнүгэр  Горнай улууһун Бэрдьигэстээҕэр А.И.Парфенов аатынан успуорт саалатыгар  Тымныы оҕонньор бирииһигэр  бильярдка улуустааҕы аһаҕас күрэхтэһии буолан ааста.

Ыччат бэлиитикэтигэр, култуураҕа уонна успуорка ааҕыныстыбата сыл ахсын тэрийэн ыытар тэрээһинигэр  улуус үс нэһилиэгиттэн — Одунуттан, Октябрьскайтан уонна Бэрдьигэстээхтэн барыта 19 бильярдист кэлэн кытынна. Күн устата барбыт киирсиилэр түмүктэринэн, саастаах оонньооччулар икки ардыларыгар Бэрдьигэстээхтэр үс бириистээх миэстэни ыллылар.

Бу иннинэ теннискэ күрэхтэһии буолан ааспыта. Онон, Бэрдьигэстээх эр дьоно чөл олоҕу тутуһан, уһун өрөбүллэри туһалаахтык атааран, бэркэ сынньаннылар.

Бу туһунан Бэрдьигэстээх сэлиэнньэтин дьаһалтатын пресс-сулууспата  иһитиннэрэр.