Хаартыска: Александр Оконешников тиксэриитэ.
Бу күннэргэ киин куоракка оробуочай сырыытын кэмигэр Өймөкөөн улууһун баһылыга Александр Оконешников тустаах миниистирдэри уонна биэдимистибэлэр салайааччыларын кытта көрүстэ.
Бу туһунан баһылык Александр Оконешников сиһилии маннык сырдатта:
— Улуустааҕы суһал ыстаап эппиэттээх исписэлиистэрин кытта тутуу, тырааныспар уонна тыа хаһаайыстыбатын министиэристибэлэригэр сылдьан, чөлүгэр түһэрии үлэтин кээмэйин быһаарыстыбыт, үбүлээһин боппуруостарын ырыттыбыт.
Ол курдук, тутуу министиэристибэтигэр бу күннэргэ улууска ыытыллыбыт халаантан эмсэҕэлээбит дьиэлэр аакталарын ырыттыбыт. Ол түмүгэр 122 олорор дьиэҕэ хапытаалынай өрөмүөнү ыытарга анаан 200 тыһыынчалыы солкуобай харчы көрүллүөҕэ. Биэс дьиэттэн “Үтүө дьыала” аахсыйа чэрчитинэн үһэ тутуллан үлэҕэ киириэҕэ. Улуус салалтатын кытта тутуу министиэристибэтэ икки ыалга дьиэ тутуутун ырыттыбыт. Тутуу матырыйааллара өрөспүүбүлүкэтээҕи айан суолунан кэмигэр тиэйиллэ тураллар.
Ол курдук, Өймөкөөҥҥө тутуу матырыйаалын тиэйиигэ 18 эриэйсэттэн сэттэтэ оҥоһулунна. Тырааныспар министиэристибэтигэр суолу, муосталары чөлүгэр түһэриигэ үгүс үлэ ыытыллара бэлиэтэннэ.
Бу күннэргэ “Өймөкөөн” өрөспүүбүлүкэтээҕи айан суола өрөмүөннэннэ. Нэһилиэктэр икки ардыларыгар сырыы эмиэ олохтонно. Тыа хаһаайыстыбатын министиэристибэтигэр тахсыбыт хоромньуну ааҕыы тула кэпсэттибит, ону тэҥэ кыстыкка киирии боппуруостарын дьүүллэстибит.
Ил Дархан ыыппыт тыа хаһаайыстыбатын сайыннарыыга, быйылгы оттооһуҥҥа анаммыт сүбэ-мунньаҕар кыттыыны ыллым. Бу сырыыбыт түмүгүнэн, чөлүгэр түһэрии үлэтигэр туһаайыллыбыт аакталарга барыларыгар илии баттанна.
Онон айылҕа иэдээнигэр түбэспит биир дойдулаахтарым, тыа сирин олохтоохторун кыһалҕаларын чэпчэтэр үлэ тиһэҕэр тиэрдиллэн, дьон урукку нус-хас олохторугар түргэнник төннөллөрүн иһин бары кыахпытын ууран үлэлэһэбит, — диэн бэлиэтээтэ улуус баһылыга Александр Оконешников.
Бу күннэргэ С.А. Новгородов аатынан Чурапчы орто оскуолатыгар «Судостроение» хайысхалаах кылаас үөрүүлээх быһыыга-майгыга аһылынна. Кылаас…
Дьокуускай куорат олохтооҕо Ис дьыала министиэристибэтэ үлэҕэ ылыыттан аккаастаабытынан суукка үҥсэн тиийбит. Эр киһи туох…
СӨ Сыана бэлиитикэтигэр судаарыстыбаннай кэмитиэтэ «Үөһээ Бүлүү – Хоро» хайысханан сылдьар паром тарыыптарын бэрэбиэркэлиири саҕалаата.…
Алтынньы ортотуттан биллэрдик тымныйан барда. Кириип, тымныйыы ыарыылара тарҕанара үксүүр. Онон сибээстээн, үс эрэ бородууктаттан…
Саха Өрөспүүбүлүкэтин Судаарыстыбаннай былааҕа 1992 сыл алтынньы 14 күнүгэр бигэргэтиллибитэ. [gallery ids="247506,247507,247508,247509"] Бу күн Кэбээйи…
Дьокуускайга, ГРЭС-2 оройуонугар, 1977 сыллаах төрүөх эр киһи сүппүт. Кини балаҕан ыйын 20 күнүгэр биллибэт…