Хаартыска: СИА
Парижка ыытыллар Олимпийскай оонньууларга марафоҥҥа саха спорстменнарын ортолоругар Сардаана Трофимованы таһынан түөрт саха спортсмена кыттыаҕа. Ити курдук, Саха сирин чэпчэки атлетикаҕа спорстменнар «любителлэр» ортолоругар кыттыахтара.
Кинилэр күрэхтэрэ олимпийскай оонньууларын официальнай марафонун иннинэ эрдэ ыытыллыаҕа. Оттон атырдьах ыйын 11 күнүгэр кинилэр биир дойдулаахтарыгар Сардаана Трофимоваҕа ыалдьыахтара.
Ол курдук, түөрт саха спортсмена Роман Саввин, Марфа Оконешникова, Ольга Артемьева уонна Наталья Мясникова Парижка ыытыллар «любителлэр» марафонугар кыттар кыахтаннылар. Тэрийээччилэр мобильнай сыһыарыыларын нөҥүө спортсменнар сордухтаах аахсыйаларга кыттыбыттара. Аан дойду үрдүнэн бу аахсыйаҕа уопсайа 300 мөл. кэриҥэ киһи кыттыбыта биллэр. Сорудаҕы толорбут дьон ахсааныттан көмпүүтэр «любителлэр» сүүрүү кыттыылаахтарын талбыт, олор ортолоругар саха спортсменнара кыттар чиэскэ тигистилэр.
«Любителлэр» марафоннара атырдьах ыйын 10 күнүгэр Париж куорат бириэмэтинэн киэһэ 21:00 чаастан саҕаланар, онтон балтараа чаас кэннэ марафон кыттыылаахтара сүүрүөхтэрэ. Маршрут Гран- опера, Вандом болуоссата, сад Тюри, лувр пирамидата, Сөбүлэһии болуоссата, улахан дыбарыас, троокадер, Версаль уонна Эйфель башнятын нөҥүө ааһыаҕа. Оттон бу трассаны атырдьах ыйын 11 күнүгэр Сардаана Трофимова кыайар.
«Парижка Сочи, Ереван уонна Рим нөҥүө көтөн тиийэбин. Олимпийскай оонньуулар чахчы олус долгутуулаах тэрээһин. Трасса уустук уонна үрдүк күүрүүлээх буолуоҕа дииллэр. Сарсыҥҥы күнүгэр Сардаанаҕа хайаан да ыалдьыахпыт, өйүөхпүт», — диэн Роман Саввин санаатын үллэһиннэ.
Дьокуускайга балаҕан ыйын 21 күнүгэр "Кросс нации" сүүрүү ыытыллыаҕа. Бу туһунан СӨ физическэй култуураҕа уонна…
СӨ Борокуратууратын дааннайынан, ааспыт сууккаҕа Саха сиригэр 11 буруйу оҥоруу тахсыбыт. Дьокуускайга ювелирнай мастарыскыайы халаан,…
Таатта улууһун олохтооҕо Афанасий Лопатин хортуоппуй хостуур тэрили толкуйдаабытын туһунан СИА суруйар. Бу тэрил хортуоппуйу…
СӨ Борокуратууратын дааннайынан, 2024 сыл аҕыс ыйын иһигэр өрөспүүбүлүкэ дьахталлара 1023 буруйу оҥорбуттар, ол иһигэр…
Бүгүн, балаҕан ыйын 19 күнүгэр, Саха сирин хоту, хотугулуу-илиҥҥи, Арктика оройуоннарыгар сорох сиринэн инчэҕэй хаар,…
Саха сирин Бырабыыталыстыбатын бэрэссэдээтэлин бастакы солбуйааччы Дьулустан Борисов Нерюнгри улууһугар оробуочай сырыытын кэмигэр Соҕуруу Саха…