Хаартыска: веб-камера. PxHere саайтан.
Кибербуруйу оҥорооччулар маркетплейскэ вирустаах тиэхиньикэни киллэрэн атыылыыллар диэн «Известия» суруйар.
Эспиэрдэр этэллэринэн, вирустаах бырагыраамалары туһанан, түөкүттэр туһанааччылар дааннайдарыгар уонна кинилэр көмпүүтэрнэй систиэмэлэригэр өтөн киирэллэр.
Биллэрин курдук, маркетплейска баһаам элбэх киһи киирэр-тахсар, атыылаһар. Ону биирдиилээн хакердар да, тэриллиилээх бөлөхтөр да туһанан, тэриллэргэ буортулаах бырагырааманы туруоруохтарын сөп.
Куһаҕан санаалаахтар сыаллара араас: үп-харчы информациятын уонна тус дааннайдаргын уорууттан саҕалаан, тэриллэри DdoS-атааканы тэрийиигэ эбэтэр криптовалютаны майнинныырга тиийэ туһаныахтарын сөп.
Известия” бэлиэтииринэн, билигин электроннай тэриллэр кэмпилиэктэригэр үксүгэр ииттэрэр тэрилэ суох USB-хаабыл бэйэтэ эрэ баар буолар. Итиэннэ инструкциятыгар гаджеты ииттэрэргэ көмпүүтэр USB-портун туһаныҥ диэн сүбэлииллэр. Ол гынан баран, F.A.C.C.T исписэлиистэрэ бу куһаҕан бырагырааманы тарҕатыы биир ньымата буолуон сөбүн сэрэтэллэр.
“Тэрилгитин ииттэрэргэ гаджеты быһа көмпүүтэргэ холбууртан туттунуҥ, сетевой адаптеры уонна розетканы туттуҥ. Ону тэҥэ киһи итэҕэйэр оҥорооччуларыттан эрэ переходниктары уонна USB-хаабыллары ылыҥ. Киһи барыта туһанар босхо ииттэрэр ыстаансыйаларын туһанымаҥ, атын дьон киэнин эбэтэр бэрэбиэркэлэммэтэх тэриллэри ииттэрэргэ көмпүүтэргитин туһанымаҥ”, — диэн F.A.C.C.T. исписэлиистэрэ сэрэтэллэр.
Ону таһынан онлайн-былаһааккаларга атыыланар чэпчэки сыаналаах веб-камералар дьон тус олохторун кистээн устан баран, видеоны куйаар ситимигэр таһааран кэбиспит түбэлтэлэрэ кытта баар буолбут. Итиэннэ Wi-Fi-даах оҕолор оонньуурдара эмиэ сэрэхтээхтэр, олору туһанан хакердар дьиэ иһинээҕи кэпсэтиини истиэхтэрин сөп эбит.
Вирустаах тэриллэри атыыласпат туһуттан, маннык быраабылалары тутуһуохха наада:
атыылааччы рейтинин бэрэбиэркэлээ, аккаунт оҥоһуллубут күнүн көр, урукку профиллар үксүгэр ордук эрэллээхтэр, тиэхиньикэни атыылаһыаҥ иннинэ атын атыылаһааччылар сыанабылларын аах.
Эспиэрдэр өссө чэпчэки сыаналаах, мэктиэни биэрбэт, саарбах хаалаах тиэхиньикэлээх саайтартан тэриллэри ылар наадата суох диэн сүбэлииллэр.
Мэҥэ Хаҥалас улууһа урукку сэбиэскэй кэмтэн нэһилиэктэринэн культура уонна спорт бэстибээлин ыытар үтүө үгэстээх. Майа…
Дьокуускай мээрэ Евгений Григорьев уонна «Яндекс» хампаанньа эрэгийиэннэри кытта үлэлээһиҥҥэ дириэктэрэ Антон Москаленков бииргэ үлэлээһиҥҥэ…
Бүтэһик чуораан чугдаарбытын, эксээмэннэри туттарбыт кэннэ ороскуоттаах бырааһынньыктар саҕаланаллар. Бу бырааһынньыктарга бэлэмнэнии сыл инниттэн саҕаланар.…
Төһө да «ыт — киһи доҕоро” диэтэрбит, ордук куорат сиргэ, ыттаах-куоскалаах аһара элбээн, тулалыыр эйгэ санитарнай…
Ил Түмэн Бэрэссэдээтэлэ Алексей Еремеев салайааччылаах Саха сирин дэлэгээссийэтэ Луганскай Норуодунай Өрөспүүбүлүкэҕэ «Муниципальнай тэриллиилэргэ Ийэ…
Суорун Омоллоон аатынан Опера уонна балет тыйаатырын сүрүн артыыһа, умсугутуулаах уобарастары кыайа-хото тутар, опера артыыһын…