Хаартыска: "Якутия" авиа-хампаанньа пресс-сулууспата.
Аан дойду дьахталларын күнүн көрсө бөдөҥ авиа-хампаанньалар чэпчэтиини биллэрдилэр. «Якутия» авиа-хампаанньа кулун тутар 7-8 күннэригэр бары хайысхаларынан бастайааннай рейстэригэр барыларыгар 35%-наах чэпчэтиини биллэрдэ.
Чэпчэтиилээх билиэттэр бу икки эрэ күн атыыланыахтара. Бу күннэргэ атыыласпыт билиэттэринэн маннык кэмҥэ көтүөххэ сөп: кулун тутар 7 күнүттэн ыам ыйын 24 күнүгэр диэри уонна балаҕаны ыйын 15 күнүттэн алтынньы 26 күнүгэр диэри.
Чэпчэтиилэр субсидиялаах билиэттэртэн ураты, бары бастайааннай рейстэргэ (ол иһигэр Харбиҥҥа, Казаньҥа көтүүгэ эмиэ) 12-тэн үөһээ саастаах пассажирдарга оҥоһуллаллар.
«Якутия» хампаанньа олунньу 23 күнүн көрсө эмиэ чэпчэтиилээх билиэттэри атыылаабыт. Маннык аахсыйалары сыл аайы оҥорор. Онон сынньалаҥы эрдэттэн былааннаан, билиэттэри эрдэ ылан, айаҥҥа ороскуоту биллэ көҕүрэтиэххэ сөп.
Маны тэҥэ, S7 хампаанньа кулун тутар 19 күнүгэр анал каарталаах дьоҥҥо 50%-ҥа диэри чэпчэтиилэри оҥорор.
ИДьМ сулууспатын 1 №-дээх полициятын отделын дьуһуурунай чааһыгар куорат таһынааҕы олохтооҕо тыллаабыт. Эр киһи массыыната…
Cаҥа дьылы кэтэһии бырааһынньыктааҕар ордук үчүгэй, күүтүүлээх, күндү курдук буолар. Оннук күндү кэтэһиини биһиги бэйэбит…
Ил Дархан Айсен Николаев бэрэссэдээтэллээх “Кыайыы туһугар бииргэ!” өрөспүүбүлүкэтээҕи хамыыһыйа мунньаҕар, байыаннай дьайыыга кытта сылдьар…
Ааспыт нэдиэлэҕэ Хотугулуу-Илиҥҥи федеральнай университекка үрдүк үөрэх кыһатын мэдиссиинэ институтун бэрэстэбиитэллэрэ үөрэххэ туттарсааччылары, төрөппүттэри, педагогтары…
Айсен Николаев Саха сирин норуоттарын муусукатын уонна фольклорун түмэлигэр РФ култууратын үтүөлээх үлэһитэ, өрөспүүбүлүкэ норуотун…
ИДьМ сулууспатын Сунтаар улууһун отделын холуобунай ирдэбил үлэһиттэрэ 24 саастаах олохтоох киһи баантан харчыны уорбутугар…