Салгыы
“Чэпчэтиилээх ипотека” бырагыраама чэрчитинэн 1 мөлүйүөнтэн тахса дьиэ кэргэн дьиэлэммит

“Чэпчэтиилээх ипотека” бырагыраама чэрчитинэн 1 мөлүйүөнтэн тахса дьиэ кэргэн дьиэлэммит

Ааптар:
04.03.2023, 13:00
новостройки
новостройки
Егор Карпов
Бөлөххө киир:

2020 сыл муус устарыгар үлэтин саҕалаабыт “Чэпчэтиилээх ипотека” бырагыраама чэрчитинэн, Арассыыйаҕа 1 мөлүйүөнтэн тахса ыал дьиэлэммит. Уопсайа 3,5 трлн. солк. суумалаах кирэдьиит бу бырагырааманан дьоҥҥо бэриллибит.

Бырагыраама оператора ДОМ.РФ чахчыларынан, “Чэпчэтиилээх ипотека” иһинэн ордук  Москваҕа дьиэ атыылаһыллыбыт (120,1 тыһ. кирэдьиит). Онтон Санкт-Петербург (94,8 тыһ.), Москва уобалаһа(91,8 тыһ.), Краснодарскай кыраай, (65,9 тыһ.), Свердловскай уобалас (42 тыһ.), Тюмень уобалаһа (40,8 тыһ.), Новосибирскай уобалас (34 тыһ.), Ростов уобалаһа (31,9 тыһ.), Татарстан Өрөспүүбүлүкэтэ (31,9 тыһ.) уонна Ленинград уобалаһа (28,5 тыһ.) тураллар.

«Тутуу эйгэтигэр уустук кэмнэргэ чэпчэтиилээх ипотека судаарыстыбаҕа дьону дьиэлэнэригэр, олорор усулуобуйатын тупсарыы кыһалҕатын быһаарарга төһүү күүс буолла. Ааспыт сыл экэниэмикэ халбаҥныыр кэмигэр бу өҥө ырыынагы өйөөтө, тутар хампаанньалар эстибэккэ үлэлииллэрин, саҥа бырайыактары олоххо киллэрэллэрин хааччыйда. Биһиги сыанабылбытынан 2023 сылга чэпчэтиилээх ипотеканан 215 тыһ. дьиэ кэргэн туһаныаҕа. Бастакы икки ый устата 28 тыһ. дьиэ кэргэн судаарыстыба өйөбүлүнэн туһанна, оттон ДОМ.РФ кыттыылаах бары бырагыраамалары ааҕан ыллахха, 100 тыһ. олорор усулуобуйатын тупсарбыт дьиэ кэргэн туһунан этиэххэ сөп”, — диэн эттэ ДОМ.РФ генеральнай дириэктэрэ Виталий Мутко.

Билигин бааннар “Чэпчэтиилээх ипотека” көмөтүнэн кэрэдьиит ставката муҥутуур таһымыттан – 8% бырыһыантан аллараа ставканан кэрэдьииттэри биэрэллэр. Холобур,ДОМ.РФ бааныгар алын ставка 6,8% бырыһыаҥҥа тэҥнэһэр, бу кэрэдьиитинэн саҥа дьиэҕэ кыбарытыыра ылахха сөп, ону кытта саҥа дьиэ туттуохха сөп, уоннатутааччы атыылыыр бэлэм дьиэтигэр кыбартыыра ылыахха сөп. Ырыынакка ипотека ставката 11% буоларын учуоттаан туран, бу бырагыраама улахан көдьүүстээҕэ харахха быраҕыллар. 

ДОМ.РФ «Чэпчэтиилээх ипотека» (8%), «Дьиэ кэргэн ипотеката» (6%), «Уһук Илиҥҥи ипотека» (2%) «ИТ-ипотека» (5%) бырагыраамалар оператордара. Сиһилии иоптека туһунан спроси.дом.рф порталга киирэн, эбэтэр 8-800-775-11-22 төлөпүөҥҥэ эрийэн билсиэххэ сөп.

+1
0
+1
0
+1
0
+1
0
+1
0
+1
0
+1
0
Бары сонуннар
Салгыы
23 мая
  • 16°C
  • Ощущается: 14°Влажность: 25% Скорость ветра: 3 м/с

Сообщить об опечатке

Текст, который будет отправлен нашим редакторам: