Андрей Сорокин, СИА хаартыската.
Уһук Илиҥҥэ «Доступное арендное жильё в ДФО» бырагыраама чэрчитинэн, 400 куортам кыбартыыратыгар дьону олохтоотулар. Бу туһунан ДОМ.РФ генеральнай дириэктэрэ Виталий Мутко бэрэсидьиэн Владимир Путины кытта көрсүһүүгэ кэпсээтэ.
Кини этэринэн, Уһук Илин 11 эрэгийиэнигэр бу бырагырааманан 10 тыһыынчаттан тахса кыбартыыра тутуллара үбүлэммит. Барыта 87 миллиард солкуобайдаах үп угуллубут. Бастакы дьиэлэр Приморскай кыраайга, Чукоткаҕа, Камчаткаҕа, Саха сиригэр номнуо тутуллан киирдилэр.
Бу бырагырааманан 1,5-2 сыл иһинэн уопсайа 12,5 тыһыынча кыбартыыраны тутар былаан баар. Бу кыбартыыраларга куортам сыаната олох чэпчэки буолар — олохтоохтор куортам сыанатын чиэппэрин эрэ төлүүллэр.
Саха сиригэр 2025 сылга үс маннык дьиэ тутуллан киирэрэ былааннанар: Дьокуускайга 141 кыбартыыралаах, Нерюнгригэ 192 кыбартыыралаах уонна Алдаҥҥа 28 кыбартыыралаах дьиэлэр.
2024 сыл кулун тутар ыйыгар Дьокуускайга бастакы 24 кыбартыыраны чэпчэтиилээх куортамҥа биэрбиттэрэ. Кыбартыыралар миэбэлинэн, тиэхиньикэнэн толору хааччыллыылаахтар. Федеральнай уонна эрэгийиэннээҕи өйөбүл баар буолан, икки хостоох кыбартыыраҕа куортамын иһин ыйга 12 тыһыынчаны төлүүллэр.
Өрөспүүбүлүкэҕэ барыта 1003 кыбартыыра тутуллара былааннанар. Бу кыбартыыралар эрэгийиэннээҕи операторга бэриллиэхтэрэ.
Чэпчэтиилээх куортам бырагыраамата 2022 сыллаахха Илиҥҥи экэнэмиичэскэй пуорум үлэтин түмүгүнэн, бэрэсидьиэн Владимир Путин көҕүлээһининэн, олоххо киирбитэ. Бу бырагырааманан эдэр исписэлиистэр, устудьуоннар, эрэгийиэҥҥэ олус наадалаах үлэһиттэр дьиэнэн хааччыллар кыахтаналлар.
Ил Дархан, бырабыыталыстыба пресс-сулууспата.
Өймөкөөн улууһугар айылҕа алдьатыылаах халаана олохтоохторго улахан хоромньуну аҕалла. [gallery ids="229247,229246,229245,229244,229243,229242,229241"] СӨ Гражданскай оборона дьыалаларын…
Hh.ru онлайн-рекрутинг аналитиктара Саха сиригэр ханнык хайысхаҕа үлэлиир исписэлиистэр саамай үрдүк хамнаһы аахсалларын быһаардылар. Бу…
Өймөкөөҥҥө үс бөһүөлэк, ол иһигэр Хара Тумул уонна Биэрэк Үрдэ бүтүннүү ууга барда диэн СӨ…
Академик Наталья Бехтерева үс сүбэтэ: 1. Олох тэтимин бытаардымаҥ. Кырдьыы эмиэ олох салгыыта буолар. Онон…
СӨ баһылыга Айсен Николаев РФ тырааныспарка миниистирин Андрей Никитины кытары көрүстэ. Бу туһунан СӨ Баһылыгын…
От ыйын 12-15 күннэригэр Дьокуускайга байыастар таҥастарын тигиигэ "Стежка за стежкой, метр за метром" өрөспүүбүлүкэтээҕи…