Саҥа дьыл чугаһаан хаар-муус дойдулаах Сахабыт сирин улуустарыгар ураты дьоҕурдаахтар эриэккэс кэрэ хаар-муус оҥоһуктары оҥорон биир дойдулаахтарын үөрдэллэр.
Олортон биирдэстэрэ Уус Алдан улууһун Чэриктэйин олохтооҕо Валерий Бурнашев уонтан тахса сыл устата хаартан араас фигуралары, кыыллары оҥорон дьонун-сэргэтин кутун-сүрүн тутар. Валерий Николаевич Чэриктэйгэ оҕо уһуйааныгар харабылынан үлэлиир уонна Саҥа дьыл аайы сыл бэлиэлэрин мууһунан кыһан оҥорон оҕо аймаҕы үөрдэр.
Быйыл эмиэ кэлэр сыл бэлиэтин куобахтар дьиэ кэргэттэрин, бу тиллэн кэлэн сүүрэн хаалыах курдук ураннык чочуйан оҥорон бэлэхтээтэ. Маастар бу үлэтин нэдиэлэ устата оҥордо, куобахтар 1,5 м үрдүктээхтэр.
«Валерий Николаевич бу оҥоһугун буор босхо оҥорор, урукку идеология кэмигэр иитиллэн, буһан-хатан кэлбит киһи быһыытынан, дьарыга суох өр олорбот. Онон иллэҥ кэмигэр ис санаатыттан айа-тута сылдьар киһи буолар. Кини улахан дьиэ кэргэн аҕа баһылыга, 4 сиэн эһэтэ. Бары өттүнэн дэгиттэр талааннаах маастар сыл аайы дьонун-сэргэтин бэйэтин ураты кэрэ оҥоһуктарынан үөрдэр», –диэн нэһилиэк успуордун инструктора Гаврил Румянцев кэпсиир.
Арассыыйа Дьоруойа, Бүтүн Арассыыйатааҕы оҕо уонна ыччат «Движение первых» уопсастыбаннай-судаарыстыбаннай хамсааһын бырабылыанньатын бэрэссэдээтэлэ Артур Орлов…
Бүгүн СӨ бырабыыталыстыбатын бэрэссэдээтэлин солбуйааччы Сергей Местников салайыытынан Култуурунай нэһилиэстибэ эбийиэктэрин харыстыыр управление 2025 сыллааҕы…
Хаҥалас улууһун дэлэгээссийэтэ улуус баһылыга Сергей Гребнев салалтатынан байыаннай дьайыы буола турар сиригэр айаннаата. Дэлэгээссийэҕэ…
Ил Дархан Айсен Николаев "Россия24" ханаалга "Быһа кэпсэтии" биэриигэ тохсунньу 22 күнүгэр Амма улууһугар барарын…
Арассыыйа Бэрэсидьиэнэ Владимир Путин ыйааҕынан тэриллибит «Беспилотнай авиационнай системалар» национальнай бырайыак чэрчитинэн, 2025 сылга ойуур…
Бүгүн, тохсунньу 20 күнүгэр, Дьокуускайга баар "Россия -- моя история" устуоруйа пааркатын таһыгар 16 саастаах…