Хаартысканы Марта Николаева тиксэрдэ
Таатта улууһун Оһуокай түмсүүтүн салайааччыта И.Ф.Иванов тэрээһининэн үһүс сылын ыытыллар Оһуокай күрэҕэ буолла.
Күрэҕи СӨ Оһуокай түмсүүтэ өйөөтө уонна сүрүн бириистэри туттарда. Араас нэһилиэктэртэн киирэн кытыннылар. Быйыл тэрээһин Чөркөөххө ыытылынна, манна 23 оҕо кэлэн икки бөлөҕүнэн кытынна. 5-7 кылаас үөрэнээччилэригэр Харбалаахтан Айсена Федорова — Бастакы үрдэл, Иккис үрдэл — Дарьяна Бурцева, Үһүс үрдэл аатын Ытык Күөл орто оскуолатын үөрэнээччитэ — Лев Тарасов ыллылар.
Ахсыстан үөһээ кылаастарга Бастакы үрдэли — Айыллаана Попова, Иккис үрдэли Дьохсоҕонтон — Симона Макарова, Үһүс үрдэли — Карина Сабарайкина ылан, Оһуокай түмсүүтүн сүрүн бириистэрин ыллылар.
Кылаан кыайыылаах аатын Уус Таатта онус кылааһын үөрэнээччитэ Алена Колодезникова ылан, Оһуокай түмсүү үрдүк наҕараадатынан 25 тыһыынчанан бириэмийэлэннэ.
Күрэх үһүс төгүлүн үрдүк тэрээһиннээхтик ыытылынна. Н.Н.Тулааһынап аатынан Чөркөөхтөөҕү норуот айымньытын киинин директора М.М.Прохоров оҕолорго Оһуокай күрэҕин тэрээһиннээхтик ыытыста.
Күрэх салайааччыларыгар Оһуокай түмсүү аатыттан махтанабыт. Үтүөлээх этээччибит, Ил Дархан Оһуокайга 2024 сыллааҕы стипендиата Афанасий Николаевич Попов оһуокайга улахан хамсааһыны таһааран, аны билигин кини үөрэнээччилэрэ оҕо бөҕөтүн үөрэтэ сылдьаллар. Үтүөлээх этээччибит Ытык Күөл орто оскуолатыттан Лариса Анатольевна Попова уон үөрэнээччитэ кэлэн кытынна.Тыараһа орто оскуолатыттан Айаал Никитич Быгынанов эмиэ хас да үөрэнээччитэ кытынна. Оҕолор көҥүл темаҕа эттилэр. Саамай бастыҥ этээччилэр сэттэ мүнүүтэ иһигэр темаларын толору арыйдылар. Бары таатталыы үҥкүүлээтилэр. Дьохсоҕонтон Симона Макарова бүлүүлүү эттэ. Суол сабыллыан иннинэ, уу-хаар тахсан эрдэҕинэ,Таҥара көмөтүнэн айаммыт табыллан киирдэ. Тааттаҕа куратор, Дархаттар сүбэлэрин бэрэссэдээтэлэ Валентин Васильевич Хорунов Афанасий Николаевичтыын биир санаанан үлэлээн, икки төгүл күрэххэ кыттыһан үлэлээн, элбэҕи ситиспиттэр. Маны тэҥэ Тааттаттан син добуочча оҕо Сахаайта Михайловна Күн Оһуокайа лааҕырыгар дьарыктанан сайдыбыттар. Өссө да элбэх былааннаахтар,сайын Чөркөөххө табылыннаҕына,Оһуокай лааҕыра үлэлиирэ былааннанар.
Марта Николаева
Мария Герасимова-Сэҥээрэ – норуот фольклоругар бөдөҥ исписэлиис, доҕотторо ытыктаан ааттыылларынан Ийэ чабырҕахсыт, чабырҕаҕы, олоҥхону, оһуохайы…
Ааҕааччыларбытыттан ыйытыылар киирэ тураллар. Соторутааҕыта быыһыгар маҥаннаах таба этин видеоҕа устубуттар этэ. Ону көрбүт дьонтон…
Бүгүн, сэтинньи 9 күнүгэр, Өлүөхүмэ улууһугар аналлаах оһуохай түһүлгэтэ бэрт тэрээһиннээхтик ааста. Куоракка олорор өлүөхүмэлэр…
Сэбиэскэй кэмҥэ эдэр ийэ-аҕа буола сылдьыбыт төрөппүттэр кырачаан оҕоҥ сылайдаҕына эбэтэр атаахтааҕына уоскута түһэргэ оҕо…
Бэҕэһээ, сэтинньи 8 күнүгэр, 35-гэр диэри саастаах быраастар, мэдиссиинэ сиэстэрэлэрэ, доруобуйа харыстабылын эйгэтин үлэһиттэрэ Николаев-Кииҥҥэ…
Саха тапталлаах ырыаһыта, ырыа айааччы, СӨ үтүөлээх артыыската Тамара Попова сыанаҕа тахсыа эрэ кэрэх, көрөөччүлэр…