Хаартыска: Светлана Халгаева тиксэриитэ.
Сэтинньи 2 күнүгэр сарсыарда 10 чаастан П.А. Ойуунускай аатынан Судаарыстыбаннас түмэлигэр чөл олоҕу, саахыматтыыр сатабылы үрдэтэр сыаллаах “СЭТТЭ” хампаанньа (генеральнай дириэктэр А.Д. Данилов) бирииһигэр Чөркөөххө олорор, үлэлиир улахан дьоҥҥо, оҕолорго саахымакка биирдиилээн бастыыр иһин үһүс турнир ыытылынна.
Турнир икки көрүҥнээх: түргэн саахымат 15 мүнүүтэлээх, блиц-турнир 5 мүнүүтэлээх.
Кыайыылаахтары “СЭТТЭ” хампаанньа анал мэтээллэринэн, грамоталарынан, харчынан (1 миэстэ – 10000 солк., 2 миэстэ – 7000 солк., 3 миэстэ — 3000 солк.) бириэмийэлиир. Түргэн саахымакка түмүк улахан дьоҥҥо, оҕолорго тус-туспа тахсар.
Турнирга 12 саастаах Миша Собакин кэлэн, көхтөөх кыттыыны ыла сылдьар. Миша 5 сааһыттан оонньуур, “СЭТТЭ” хампаанньа ыытар турнирыгар куруук кыттар. Ытык Күөлгэ тиийэн күрэхтэһэр, миэстэлэһэр. “Чөркөөххө маннык күрэхтэһии буолара наһаа үчүгэй, аны да буоллаҕына кыттыам. Саахымат киһини толкуйдуурга үөрэтэр”, — диэн кэпсээтэ.
Октябрьскай нэһилиэк баһылыга Андрей Семенов турнир туһунан санаатын эттэ:
“Чөркөөх уруккута саахымат уйата буоллаҕа дии, бу кэлин умнулла быһыытыйбытын иһин сөргүтэргэ сананныбыт. Улуус турнирдарыгар кыттарын кыттабыт эрээри, бэйэбит испититтэн иитиллэн тахсыы наһаа аҕыйаата диэн биир дойдулаахпытыгар Андрей Джурович Даниловка тахсыбыппыт. Кини аҕата Дьулуур Яковлевич Чөркөөххө биллэр саахыматчыт буоллаҕа дии. Андрей Джурович сылга түөртэ турнир тэрийиэҕиҥ, мин барытын үбүлүүбүн диэбитэ. Хас турнир аайы бириис быһыытынан 60 тыһ. солк. туруорар, “Ректаймҥа” сүрдээх үчүгэй мэтээллэри оҥорторон аҕалар. Биир дойдулаахпыт маннык өйүүрүгэр, өйдүүрүгэр махтанабыт. Саҥа спортивнай комплекс тутулуннаҕына, саахыматчыттар уонна дуобатчыттар туспа хостонуохтара диэн эрэнэбит. Дьэ онно олорон, дьарыктанан, Чөркөөх саахыматчыттара дуо диэн ааппытын иккистээн тилиннэриэхтэрэ. Саахымат турнира бу эрэ буолбатах, биһиэхэ чаастатык ыытыллар, ол курдук Аҕа дойду Улуу сэриитин кыттыылааҕа Наум Слепцов 100 сылынан манна, Судаарыстыбаннас түмэлигэр, турнир ыытыллыбыта. Семен Протодьяконов 80 сааһын көрсө Саҥа дьыл иннинэ биир турниры ыытарбыт буолуо. Биир дойдулаахтарбыт Мосориннар, Таппыровтар саахыматчыт династиялара үбүлүөйдээх дааталарын көрсө эмиэ биирдиилээн турнир ыытааччылар. Оттон бу “СЭТТЭ” хампаанньа бирииһигэр ыытыллар турнир кыбартаал аайы буоларынан үчүгэй. Хас турнир аайы кыттан, утумнаахтык дьарыктаннахха эрэ үлэ түмүктээх буолар”.
Бүгүҥҥү күрэхтэһии эрбии биитинии эрийсиилээхтик, сыралаахтык ааста. Турнир түмүгүнэн оҕолорго кыайыылааҕынан Миша Собакин буолла, иккис миэстэни Феликс Жегусов, үһүс миэстэни Аксинья Жегусова ыллылар. Түргэн саахымакка үһүс бириистээх миэстэҕэ Александра Саввина, иккискэ Степан Жегусов, кыайыылааҕынан Александр Федоров таҕыстылар. Блиц-турнирга үһүс миэстэни Дмитрий Максимов, иккиһи Василий Борисов, бастакы миэстэни Степан Жегусов ыллылар. Түгэнинэн туһанан, өркөн өйү иҥэрэр, саахымат курдук уустук көрүҥү тэнитэр биир дойдулаахпытыгар Андрей Даниловка барҕа махталбытын тиэрдэбит.
Бэйэбит корр.
Ленскэй оройуонугар муус көхтөөхтүк устарын бэлиэтииллэр. Муус хамсааһынын орто диэн сыаналаатылар, уу таһыма рейкэ кээмэйигэр…
80 сыл анараа өттүгэр, ыам ыйын 9, 10 күннэригэр, “Кыым” хаһыакка тугу суруйбуттарай? Бу суруйуулары…
Бу күннэргэ социальнай ситимнэринэн Өлүөнэ кытылын үрдүгэр, Дьоруойдар аллеяларыгар сэрии кэминээҕи таҥастаах эдэркээн кыргыттар, уолаттар…
Бүгүн, ыам ыйын 9 күнүгэр, Аҕа дойду Улуу сэриитигэр Кыайыы 80 сылынан “Өлбөт үйэлээх полк”…
Москваҕа буолар Улуу Кыайыы 80 сыллаах үбүлүөйдээх параадыгар саха уола кыттарын туһунан үтүө сураҕы бүгүн…
Бүгүн, ыам ыйын 9 күнүгэр, Дьокуускайга Кыайыы болуоссатыгар "Кыайыыны аҕалбыт буойуннар" монумеҥҥа сибэкки дьөрбөтүн ууруу…