Черскэйгэ 17 саастаах оҕо сууттанан, көҥүлэ быһынна

Аллараа Халыма улууһун Черскэй бөһүөлэгэр 17 саастаах оҕо киһини улаханнык эчэтэн, өлүүгэ тиэрдибитинэн холуобунай дьыала силиэстийэтэ түмүктэммитин туһунан СӨ силиэстийэлиир кэмитиэтэ иһитиннэрэр.

Дьыала матырыйаалларыгар олоҕурдахха, бу сыл тохсунньу 6 күнүгэр сууттанааччы итирик туруктаах сылдьан эр киһини сирэйгэ саайталаабыт. Эмсэҕэлээччи охтубутун да үрдүнэн сирэйгэ, эккэ-сииҥҥэ тэбиэлээбит, охсуолаабыт.

Ол түмүгэр эр киһи балыыһаҕа тыына быстыбыт.

Сууттанааччы сааһын учуоттаан, суут 5 сылга уонна 6 ыйга иитэр холуонньаҕа көҥүлүн быһарга уураахтаабыт.