Чобуо чуорааннар

Атамайга «Радуга» уһуйааҥҥа «Чобуо чуорааннар» бырайыак бэһис төгүлүн үрдүк таһымнаахтык ыытылынна. 

Бу уһуйаан иитиллээччилэригэр төрөөбүт тылларынан саҥаран, кэпсэтэн, билэн улааталларыгар ананар тэрээһин Ийэ тыл, сурук-бичик күнүн иитинэн ыытыллар үгэстээх. Оскуола, нэһилиэк бибилэтиэкэтэ, уһуйаан төрөөбүт тылы сайыннарыыга ситимнээх үлэлэрэ салҕанар.

Бу туһунан  бырайыак ааптара Раиса Иванова — Арылыйа сырдатар.

—Төрөөбүт тыл, сурук-бичик күнүн иитинэн ыытыллар тэрээһиҥҥэ уус-ураннык тыл этиитин күрэхтэһиитэ ситиһиилээхтик ыытылынна. Быйыл үбүлүөйдээх бэһис төгүлүн ыытыллар күрэскэ 13  оҕо кыттыыны ылла. Оҕолор барыв олус үчүгэй бэлэмнээхтэрэ үөрдэр.

Муҥутуур кыайыылааҕынан оскуола бастакы кылааһын үөрэнээччитэ Милана Петрова буолла. Нэһилиэк бибилэтиэкэтиттэн Елизавета Ефремова анал ааттары уһуйаан оҕолоругар Рада Софроноваҕа, Айсаана Ивановаҕа, «Бастыҥ ааҕааччы» аатын Матвей Поповка туттарда.

Оҕолору кыраларыттан бу курдук төрөөбүт тылларынан кэпсэтэллэригэр, суруйалларыгар, ураннык хоһуйа үөрэнэллэригэр ананар тэрээһин, күрэс көхтөөхтүк ыытылларыттан үөрэбит.

Раиса Иванова-Арылыйа

Атамай, Горнай.

Хаартыска Раиса Иванова-Арылыйа тиксэриитэ