Чочулар окко эрдэ киирбиттэр
![](https://sakha-sire.ru/wp-content/uploads/2024/07/chochu1-1-1060x596.jpg)
Быйыл Бүлүү улууһун Чочутугар былырыыҥҥыга тэҥнээтэххэ, от үүнүүтэ мөлтөх. Ходуһалар үрдүк сирдэрэ курааҥҥа ылларбыт, үөс сирдэрэ ууга сыталлар. Отчуттар быйыл окко эрдэ киирбиттэр. От ыйын 26 күнүнээҕи туругунан, 356 туонна оту чөкөппүттэр. Ол былаантан 20 бырыһыаҥҥа тэҥнэһэр. Отчуттар сүөһүлэригэр-сылгыларыгар сыл тахсар отторун булар туһугар туруулаһаллар.
Манна даҕатан эттэххэ, нэһилиэккэ 650 ынах сүөһү, 556 сылгы иитиллэн турар.
— “Ампаардаах” хаһаайыстыба быйыл окко тэрээһиннээхтик киирбитэ. 250 т оту, 600 т сиилэһи, 50 т сенаһы бэлэмниэхтээх. Билиҥҥи туругунан, 50 т оттоох. Сүөһүлэри сыл таһаарар туһугар салалта нэһилиэк иһигэр мобильнай звенону тэрийэргэ былааннанар. Хаһаайыстыба 250 төбөлөөх, ол иһигэр 100 ыанар ынахтаах. Үүтүн сыл аайы “Сыа Бүлүү” СХПК туттарар. Баар сүөһүбүт, сылгыбыт да ахсаанын аччаппат туһугар кураан күннэри былдьаһа нэһилиэнньэ окко күүстээхтик оттуур, — диэтэ нэһилиэк тыа хаһайыстыбатын исписэлииһэ Александра Лаврентьева.
Хаартыска: А.Лаврентьева ыытта
Сообщить об опечатке
Текст, который будет отправлен нашим редакторам: