Чокурдаах энергетиктэрэ кыһыҥҥы суол аһыллыытыгар бэлэмнэнэллэр

Чокурдаах энергетиктэрэ кыһыҥҥы суол аһыллыытыгар бэлэмнэнэллэр

15.12.2022, 18:35
Бөлөххө киир:

“Сахаэнерго” АУо (РусГидро бөлөх “Якутскэнерго” ПАУо алын тэрилтэтэ)  Чокуурдаах оройуонун уот ситимнэрин үлэһиттэрэ 2022-2023 сс. кыһыҥҥы массыына суолун туһаныы кэмигэр Аллайыаха улууһугар 430 туонна уматыгы тиэрдиэхтэрэ.

Хоту дойдуну уонна Арктиканы уотунан хааччыйар “Сахаэнерго” тэйиччи сытар филиаллара айылҕа уонна сир-уот уустук усулуобуйатыттан сылтаан дизельнэй ыстаансыйаларга наадалаах таһаҕаһы кыһыҥҥы суол оҥоһулуннаҕына эрэ тиэрдэр кыахтаахтар.

Ол курдук, Аллайыаха улууһугар массыына кыһыҥҥы суолун тохсунньу ортотугар эрэ арыйыахтара. Онуоха диэри Чокурдаахтааҕы РЭС үлэһиттэрэ массыыналарын көрүнүөхтэрэ, ол иһигэр кабиналарын уонна мотуордарын оҥостуохтара, туттар тэриллэрин бэрэбиэркэлиэхтэрэ, ону тэҥэ Оленегорскайга, Быйаҥныырга, Русскай Устьеҕа уонна Бөрөлөөххө айанныахтаах суоппардары бары наадалааҕынан хааччыйыахтара.

Уһук Хоту дойдуга кыһыҥҥы массыына суолун уратытынан суол балаһатын күүстээх тыал тибиитэ буолар. Чокурдаахтааҕы РЭС начаалынньыга Альберт Местников бэлиэтээбитинэн, маннык кыһалҕа үгүстүк 420 км ыраах сытар  “Чокуурдаах-Бөрөлөөх” туһаайыытыгар үөскүүр. Маннык рейскэ, бэл, уопуттаах да суоппардарга 2-3 күн барар, тоҕо диэтэххэ, күн-дьыл туруга алдьаннаҕына, бэйэлэрэ суолларын солоноллоругар тиийэллэр.

Хоту дойдуга уматыгы тиэйиигэ рейстэргэ массыыналара үгэс курдук биир колоннанан айанныыллар, ити иһигэр 2 анал тиэхиньикэ баар буолар. Спутник сибээс көмөтүнэн массыыналар айаннарын ДЭС суһал персонала хонтуруоллуур, А туочукатан Б туочукаҕа тиийбит бириэмэлэрин бигэргэтэр.

“Сахаэнерго” пресс-сулууспата

Хаартыска: тустаах саайтан

Лента
Салгыы
5 февраля
  • -39°C
  • Ощущается: -39°Влажность: 67% Скорость ветра: 1 м/с

Сообщить об опечатке

Текст, который будет отправлен нашим редакторам: