Чокуурдаах олохтооҕо балтын илиитин ытырбытын иһин бириигэбэрдэннэ

Чокуурдаах олохтооҕо итирик туруктаах сылдьан иирсээн кэмигэр балтын ытырбытын иһин 120 чаас булгуччулаах үлэҕэ бириигэбэрдэннэ.

Иирсээн төрүөтүнэн кэргэнниилэр мөккүөрдэрэ буолбут. Эр киһи итирик айдааннарыттан сылтаан дьиэтиттэн барбыт ойоҕун балта саһыарбыт дии санаабыт.

Быһылаан тохсунньу 9 күнүгэр тахсыбыт. Урут кырбааһын иһин буруйдана сылдьыбыт эр киһи балтыгар кэлэн айдааны таһаарбыт. Дьахтары илиитин эрийтэлээн баран, бэгэччэҕиттэн ытырбыт.

Суукка буруйданааччы буруйун толору билиммит уонна кэмсинэрин биллэрбит. Суут эдэр уолу сааһын, бэйэтин көҥүлүнэн арыгыттан эмтэнэ сылдьарын уонна үчүгэй характеристикалааҕын болҕомтоҕо ылбыт. Түмүгэр киниэхэ 120 чаас булгуччулаах үлэни анаабыттар. Бириигэбэр сокуоннай күүһүгэр өссө да киирэ илик, диэн СӨ Үрдүкү суутун пресс-сулууспата иһитиннэрэр.