Хаартыска: Андрей Сорокин.
Айсен Николаев Чокуурдаах оскуолатыгар сырытта. Сыл саҥатыгар оскуола саҥа дьиэҕэ көспүтэ. Хас да сыллаах тутуу Ил Дархан Аллайыаха улууһугар эрдэ командировкаҕа сырыытын кэмигэр биэрбит сорудаҕынан түмүктэннэ.
Бу иннинэ үрдүкү кылаас оҕолоро 1980-с сылларга тутуллубут мас, икки мэндиэмэннээх дьиэҕэ үөрэммиттэрэ. Саахалланар туруктааҕа биллибитэ. Дьиэ аҥаарын кэтээн көрөр уорганнар ирдэбиллэринэн саппыттара. Успуорт дьарыктар бөһүөлэк успуордун саалатыгар ыытыллаллара.
Саҥа оскуола тутуута өссө 2014 сыллаахха саҕаламмыта, ол эрээри, бэдэрээтчиттэр моҥкуруут баран тохтообута. Тутууну 2020 сыллаахха “Үөрэхтээһин” национальнай бырайыак уонна өрөспүүбүлүкэ инвестиционнай бырагырааматын иитинэн сөргүппүттэрэ итиэннэ бу сыл муус устарыттан оҕолор аныгы ирдэбилгэ эппиэттиир саҥа оскуолаҕа үөрэнэн саҕалаабыттара.
“Чокуурдаах оскуолата хас да сыл тутулунна. Маҥнай бырайыактааһыҥҥа уустуктардааҕа, онтон тутуутугар. Биллэн турар, эрдэтээҥҥи оскуоланы кытта тэҥниир табыллыбат. Оҕолор билигин букатын атын усулуобуйаҕа үөрэнэллэр”, – диэн Айсен Николаев бэлиэтээтэ.
Ил Дархан сылааһынан хааччыйыы кыһалҕатын киллэрэн туран, дьиэ үлэҕэ киирбитин кэннэ булуллубут итэҕэстэри, мэктиэлиир эбээһинэс быһыытынан туоратарга дьаһайда.
Икки мэндиэмэннээх, 5 тыһ. кв.м. кэриҥэ иэннээх оскуола 275 үөрэнээччигэ суоттанар. Оскуола успуорт саалалаах, тэрилинэн хааччыллыбыт киэҥ-куоҥ үөрэнэр хостордоох.
Күн бүгүн оскуолаҕа 270 оҕо үөрэнэр. Быйыл маҥнайгы кылааска 19 оҕо киирэр. Улахан кылаас оҕолорун үөрэх былаанынан икки хайысханан үөрэтиэхтэрэ. Социальнай-экэнэмиичэскэй хайысханан математика уонна обществознание биридимиэттэрин чиҥэтэн үөрэтиэхтэрэ. Универсальнай хайысханан оскуола информатика, математика биридимиэттэрин чиҥэтэн үөрэтиини талбыт.
Чокуурдаах оскуолата летопиһы суруйааччы, Арктика кыраайы үөрэтээччитэ Алексей Чикачев аатын сүгэр.
Ил Дархан уонна Бырабыыталыстыба пресс-сулууспата.
Бүгүн, ыам ыйын 9 күнүгэр, Дьокуускайга сылын аайы ыытыллар Кыайыы Оһуокайа үрдүк таһымнаахтык буолла. Быйыл…
Саха сиригэр Мэҥэ Хаҥаласка уонна Өлүөхүмэ оройуоннарыгар сүппүт эр дьону көрдүүллэр. Ааспыт сууккаҕа атын оройуоннарга…
Арассыыйа Дьоруойа Андрей Григорьев Москваҕа Кыайыы параадыгар кытынна. Кини ыҥырыылаах ыалдьыт быһыытынан олорорун "Бастакы" ханаалга…
Ыам ыйын 5 күнүгэр, Пушкин аатынан киин библитиэкэҕэ Үөһээ Бүлүү Балаҕаннааҕыттан төрүттээх, билигин Нам Түбэтигэр…
Таатта улууһун киинигэр Улуу Кыайыы 80 сыллаах үбүлүөйүн көрсө "Кыайыы көтөллөөх буойун учууталлар көмүс уруоктара"…
edersaas.ru саайт 2020 сыллаах архыыбыттан. Кыайыы 75 сылынан эһээм кэпсээниттэн тугу өйдөөн хаалбыппын суруйарга быһаарынным.…