Килиэп сыаната түстэ

От ыйын 1 күнүттэн сыана үрдээһинэ бэлиэтэммит кэмигэр хоту улууска сыана түстэ. Ханна? 

Ол курдук, от ыйын 5 күнүттэн Чокуурдахха үрдүк суортаах килиэп сыаната 19 % аччаата. Атыылаһааччы хармааныгар биллэр курдук чэпчэтиини Аллайыаха улууһун дьаһалтата (баһылык Я.Г.Елисеев) көрбүт субсидиятын көмөтүнэн  оҥоруу кыалынна. Бэртээхэй дьаһал буолбут. Чуолаан, “2020-2024 сылларга Аллайыаха улууһугар урбааны сайыннарыы” муниципальнай бырагырааманы олоххо киллэрии көмөтүнэн.

“Саха сирэ” хаһыакка уонна саайтка Чокуурдаахха килиэби оҥоруунан урбаанньыт Анатолий Киселев дьарыктанарын туһунан куруук кэпсиибит. Бары ыарахаттартан иҥнибэккэ кини олохтоохтору сибиэһэй килиэбинэн, бурдук аһынан хааччыйан абыраата.  Улуус дьаһалтатын көрбүт субсидията Анатолий Киселевка ороскуотун сабарыгар көмөлөһүөҕэ.

Онон Чокуурдаахха бүгүҥҥүттэн килиэп сыаната 90 солкуобай буолла (муус устар 1 күнүттэн 105 солк. этэ).

Дьэ, олохтоохторго бэртээхэй сонун буолбут.

Хаартыска: Е.Яркова түһэриитэ