Чокуурдаахха күөгүһүттэр күрэхтэстилэр
![](https://sakha-sire.ru/wp-content/uploads/2024/07/chok12-12-1060x596.jpg)
Ааспыт өрөбүлгэ Чокуурдаахха бэрт сэргэх тэрээһин буолан ааста. Ол курдук, Аллайыахатааҕы экологияны судаарыстыбаннай кэтээн көрүүгэ иниспиэксийэтэ уонна Д.А.Лебедев аатынан Аллайыахатааҕы туундара айылҕатын уонна булдун мусуойа “Ловись, рыбка, мала и велика!” күрэхтэһиини кыттыһан тэрийдилэр. Күөгүһүттэр күрэхтэһиилэрэ РФ — Дьиэ кэргэн, Саха сиригэр — Оҕо сылыгар уонна Аллайыахаҕа Балыктааһын сылларыгар ананна.
Күрэхтэһии саҕаланыытыгар түмэл дириэктэрэ А.Д.Лебедева Балыксыт күнүн бырааһынньыгын тэрийии устуоруйатын сырдатта. Аллайыахалар Аҕа дойду Улуу сэриитигэр балык фронугар хайдах үлэлээбиттэрин, балыксыт дьиэ кэргэттэр тустарынан кэпсээтэ. Олохтоох инсипиэксийэ начаалынньыга Т.Г.Стрюкова балыктааһын быраабылатын билиһиннэрдэ. Күрэхтэһиигэ уопсайа 14 киһи кытынна.
![](https://sakha-sire.ru/wp-content/uploads/2024/07/chok10-10-e1721782087671.jpg)
![](https://sakha-sire.ru/wp-content/uploads/2024/07/chok11-11.jpg)
![](https://sakha-sire.ru/wp-content/uploads/2024/07/chok12-12-1.jpg)
![](https://sakha-sire.ru/wp-content/uploads/2024/07/chok13-13.jpg)
![](https://sakha-sire.ru/wp-content/uploads/2024/07/chok14-14.jpg)
![](https://sakha-sire.ru/wp-content/uploads/2024/07/chok15-15.jpg)
![](https://sakha-sire.ru/wp-content/uploads/2024/07/chok3-3.jpg)
![](https://sakha-sire.ru/wp-content/uploads/2024/07/chok4-4.jpg)
![](https://sakha-sire.ru/wp-content/uploads/2024/07/chok5-5.jpg)
![](https://sakha-sire.ru/wp-content/uploads/2024/07/chok6-6.jpg)
![](https://sakha-sire.ru/wp-content/uploads/2024/07/chok7-7.jpg)
![](https://sakha-sire.ru/wp-content/uploads/2024/07/chok8-8.jpg)
![](https://sakha-sire.ru/wp-content/uploads/2024/07/chok9-9.jpg)
Онон түмүккэ 1 чаас 30 мүнүүтэ иһигэр 16 чабааҕы хаптарбыт Снежана Капусто “Саамай элбэх балыктаах” (“Самый большой улов”) номинацияҕа кыайыылааҕынан таҕыста.
Наталья Карпова 21 см уһуннаах балыгы хаптаран, “Саамай улахан балыкчаан” номинацияҕа тигистэ. “Саамай эдэр балыксыт” аатын биэс саастаах Богдан Черемкин уонна 3 саастаах Миша Капусто ыллылар. Онон чокуурдаахтар дуоһуйа салгыҥҥа сынньанан, күөгүлээн, бэйэ-бэйэлэрин кытта күрэхтэһэн, өрөбүллэрин туһалаахтык атаардылар.
Хаартыска: иниспиэксийэ уонна түмэл ыыттылар.
Сообщить об опечатке
Текст, который будет отправлен нашим редакторам: