Хаартыска: www.sakha.gov.ru
Аллайыаха улууһун Чокуурдаах бөһүөлэгэр быйыл саҥа канализационнай-ыраастыыр ыстаансыйаны үлэҕэ киллэрэр былааннаахтар. Сууккаҕа 400 кубометр кыамталаах эбийиэк Ил Дархан сорудаҕынан тутуллуоҕа.
“Эбийиэги быйыл үһүс кыбартаалга үлэҕэ киллэрэри былаанныыбыт. Ону тэҥэ, быйыл икки элбэх кыбартыыралаах дьиэ сылааһынан хааччыйар эбийиэктэригэр хапытаалынай өрөмүөн ыытыллыаҕа” – диэн Чокуурдаах бөһүөлэгэр буолбут Бырабыыталыстыба отчуотун кэмигэр бэрэссэдээтэлин солбуйааччы Анатолий Семенов бэлиэтээтэ. Кини дизельнай генерацияны саҥардыы чэрчитинэн, 2026-2027 сс. Аллайыаха улууһугар автоматизированнай гибриднэй энергокомплекс тутуллара былааннанар диэн эттэ. “Кулун тутарга Чокуурдаах бөһүөлэгэр атыы-логистика киинэ үлэтин саҕалыаҕа. Эбийиэк икки сүрүн соругу быһаарар аналлаах: аһылыгы тиһигин быспакка тиэрдиини уонна сыана түһүүтүн”, – диэн кэпсээтэ.
Бөһүөлэк олохтоохторо эргэрбит уонна саахалланар туруктаах дьиэлэртэн дьону көһөрүү, турбанан кэлэр уу хаачыстыбатын, сөмөлүөт билиэтигэр субсидия, аһылыкка сыана үрдээһинин, суол туругун, сибээс үлэтин о.д.а. Аллайыаха улууһун сайдыытыгар сыһыаннаах ыйытыылары биэрдилэр. Көрсүһүү кыттыылаахтара быйыл Аллайыаха улууһугар ураты сыл буоларын эттилэр: улуус төрүттэммитэ 95 сыла, Чокуурдаах 90 сааһын туолар бырааһынньыга.
Отчуот иитинэн Анатолий Семенов Чокуурдаах бөһүөлэгэр 2024 сыллаахха икки этээстээх саҥа дьиэҕэ көспүт А.Г.Чикачев аатынан оскуолаҕа сырытта. Күн бүгүн манна 270 оҕо үөрэнэр. “Кинилэр хаачыстыбалаах үөрэҕи ылаллар, талааннарын арыйар кыахтаахтар. Бу инникитин бөһүөлэк уонна улуус сайдыытыгар улахан суолталаах” – диэн бырабыыталыстыба бэрэссэдээтэлин солбуйааччы санаатын үллэһиннэ. Бу туһунан Ил Дархан уонна Бырабыыталыстыба пресс-сулууспата суруйар.
“Арктика синергията” телекоммуникационнай инфраструктураны сайыннарыы бөдөҥ бырайыагын көмөтүнэн быйыл Кэбээйи улууһун ыраах сытар Сиэгэн Күөл…
Саха сиригэр байыаннай дьайыы кыттыылаахтарын үлэҕэ киириилэрин кубуотатын элбэтиэхтэрэ. Бу туһунан СӨ Нэһилиэнньэтин дьарыктаах буолуутун…
Олунньу 13 күнүгэр Саха сиригэр Төрөөбүт тыл уонна сурук-бичик күнүн бэлиэтиибит. Бу күн сахалартан бастакы…
Саха Өрөспүүбүлүкэтин Ленскэй улууһун суута олохтоох киһиэхэ буруйдуур бириигэбэри таһаарда. Кини атын баайы-дуолу туттуу иһин…
Дьокуускайга олунньу 14-15 күннэригэр "Тоҥ-Jazz'' Бүтүн Арассыыйатааҕы джазовай муусука бэстибээлэ сэттис төгүлүн ыытыллыаҕа. Бэстибээлгэ Уһук…
Чэпчэтиилээх куортамнааһын мэхэньиисимин сайыннарыы тиэмэтин Нерюнгри оройуонугар буолбут Бырабыыталыстыба отчуотугар көтөхтүлэр. Бырабыыталыстыба бэрэссэдээтэлэ Кирилл Бычков…