Чокуурдаахха субуотунньук буолла

От ыйын 25 күнүгэр Чокуурдаахха Советскай уулусса 8 нүөмэрдээх дьиэтин таһыгар мустубут бөҕү-сыыһы ыраастааһыҥҥа экология субуотунньуга буолла.

Онон субуотунньукка Аллайыахатааҕы экологияны судаарыстыбанан кэтээн көрүүгэ иниспиэксийэтэ, «Кыталык» национальнай паарка үлэһиттэрэ кытыннылар. Кинилэргэ «Друзья природы-2025» оҕо экология десана көмөлөстө. Онон 11 эдэр экологтар субуотунньукка көхтөөхтүк кытынна.

Бу таһаарыылаах үлэ түмүгэр 6 куб.м. араас тобохтору, бөҕү хомуйдулар, ыраастаатылар. Бу
аахсыйа «Күөх чэппиэр» уонна «Арассыыйа уута» аахсыйалар чэрчилэринэн ыытыллара суолталаах. Маннык  тэрээһиннэргэ нэһилиэнньэ өссө күүскэ кыттан, тулалыыр эйгэлэрэ тупсан истин.