Хаартыска: "Ростелеком" ПАУо.
Чокуурдаах бөһүөлэгэр LTE форматтаах суотабай сибээс ыстаансыйатын туруордулар. Бырайыагы СӨ Бырабыыталыстыбатын өйөбүлүнэн Аллайыаха улууһун дьаһалтата уонна “Ростелеком” ПАУо хампаанньа олоххо киллэрдилэр.
“Ростелеком” ПАУо хампаанньа иһитиннэрбитинэн, уу суолунан улахан кээмэйдээх оборудованиены – анал термоыскаабы аҕалбыттар. Бу термоыскаап кыһыҥҥы ыйдарга базовай ыстаансыйа тиэхиньиичэскэй кыаҕын өйүүр аналлаах.
“Бырайыагы олоххо киллэрии сыл аҥаарыттан ордук бириэмэни ылла, бары бииргэ көмөлөөммүт болдьоҕор киллэрдибит. Билигин олохтоохтор “Ростелеком” хампаанньа сибээһинэн төһө баҕарар туттар кыахтаахтар. Сим-каарталар бөһүөлэк дьаһалтатыгар бааллар. Инникитин бары арктическай улуустар кииннэригэр базовай ыстаансыйалары туруорар былааннаахпыт”, — диэтэ “Ростелеком” ПАУо “Сахателеком” филиалын дириэктэрэ Константин Войтеховскай.
Кэтит спутниковай сибээс ханаала оборудованиеҕа холбонон, бөһүөлэк дьоно дьэ суотабай сибээһинэн, мессенджердэринэн, социальнай ситимнэринэн, Госөҥө порталынан туһанар кыахтаннылар.
“Ыраах арктическай бөһүөлэк дьонун олоҕун тупсарарга улахан хардыы оҥоһулунна. Атын улуустарга, куораттарга олорор чугас дьоннорун кытта күннэтэ билсэр-көрсөр кыахтаннылар. Биһиги өрөспүүбүлүкэбит хас биирдии нэһилиэнньэлээх пуунугар аныгы сыыппаралаах технологиялар баар буолалларын туһугар үлэлиибит”, — диэн иһитиннэрдэ СӨ инновацияҕа, сыыппараны сайыннарыыга уонна инфокоммуникационнай технологияларга миниистир Василий Ефимов.
Бу сыл тохсунньу 10 күнүгэр буруйдаах дьахтар Кырдьаҕастар уонна инбэлииттэр өрөспүүбүлүкэтээҕи интэринээт-дьиэлэрин дириэктэрин дуоһунаһыттан ууратыллыбыта.…
Бүгүн, от ыйын 1 күнүгэр, Саха сиригэр Национальнай бэчээт күнүн бэлиэтииллэр. Саха Өрөспүүбүлүкэтигэр Национальнай бэчээт…
Бүгүн халадьыыльныкка кимиэхэ барытыгар кэриэтэ баар бородууктанан мини-пиццалары астыыр ырысыабы кытта үллэстэбит. Пиццалар сыырдаах эбэтэр…
Дьокуускайга от ыйын 1 күнүгэр Байыаннай дьайыы бэтэрээннэрин күнүгэр аналлаах сибэкки дьөрбөтүн ууруу үөрүүлээх тэрээһин…
Бэс ыйын 30 күнүгэр СӨ Национальнай бибилэтиэкэтигэр киһи аймах историятын икки саамай былыргы айымньыта –…
Ааспыт нэдиэлэҕэ Саха сиринээҕи Росгвардия нарядтара 152 иһитиннэриинэн тахсан, быраабы кэһиигэ уорбаланар 93 гражданины туппуттар.…