Чокуурдаахха ыт ииримтийиитэ туохтан таҕыста?

СӨ Бэтэринээрийэҕэ департамена иһитиннэрбитинэн,  ыам ыйын 5 күнүгэр Аллайыаха оройуонун Чокуурдаах бөһүөлэгэр ыт ииримтийиитэ бэлиэтэммитин иһитиннэрдэ. 

Ол курдук, ыт оҕото кырсаҕа ытыртаран ииримтийиигэ сыстыбыт. Бэтэринээрдэр ыты утутар туһунан уонна биологическай матырыйаалы инфекционнай ыарыыга чинчийиигэ ыытарга быһаарбыттар.

Ыт чахчы кырсаттан ииримтийиигэ сыстыбытын лабораторнай чинчийии түмүгэ быһаарбыт.

Билиҥҥи туругунан, Бэтэринээринэй быраабыла чэрчитинэн тустаах миэрэлэр ылылыннылар диэн СӨ Бэтэринээрийэҕэ департамена иһитиннэрдэ.