Чокуурдаахтар хаартан иҥнибэккэ хаамтылар

Бүгүн СӨ Судаарыстыбаннаһын уонна Хаамыы күнүгэр сөп түбэһиннэрэн, Аллайыаха улууһун Чокуурдаах сэлиэнньэтин олохтоохторо хаампыттар.

Кинилэр спорткомплекс таһыттан мустан, сэрээккэлээн баран,ыһыахтыыр сирдэригэр хааман тиийбиттэр.

Салгын сиэн абыраммыттар, сэргэхсийбиттэр. Бэҕэһээ буурҕарбыт, онтон түүн хаардаабыт. Онон хаартан иҥнибэккэ хаамсыбыттар. Кэлэ-бара 12000 тахса хардыыны оҥордубут быһыылаах дэһэллэр.