Үөһээ үрдүк айыылартан алгыс ылар үрүҥ тунах ыһыахтарынан эҕэрдэлээн туран, «Чолбон» сурунаал бэс ыйынааҕы нүөмэригэр ыһыах туһунан ыллыктаах санааларын үллэһиннилэр:
айылҕа уутун-хаарын тардынарыгар, уотун уодьуганнатарыгар уһун сылларга уһуйааччы Эдьиий Дора;
Туймаада ыһыаҕын наукалыы сүбэһитэ, история наукатын доктора Екатерина Романова;
Туймаада ыһыаҕын төрүттэспит 1990-с сс Дьокуускай куорат дьаһалтатын култуураҕа салаатын салайааччыта Ольга Харайбатова;
«Эллэйээдэ» оскуола оҕолорун экспедициятын салайааччыта, кыраайы үөрэтээччи Прокопий Ноговицын;
саха норуодунай суруйааччыта Елена Слепцова-Куорсуннаах;
Таатта улууһун Дьохсоҕон нэһилиэгин баһылыга Петр Захаров.
Бу нүөмэргэ уус-уран айымньылары дуоһуйа ааҕыҥ:
эколог уонна уопсастыбанньык Иван Бурцев Отох Уйбаан диэн аатынан «Суоппуйа» ахтыы кэпсээнигэр Аҕа дойду Улуу сэриитин саҕанааҕы саха олоҕун ойуулуур;
Егор Картузов «Бэстилиэнэй тыһыынча, Майя халандаара уонна саха ойууна…» диэн мүччүргэннээх кэпсээнэ;
Сэмэн Маисов «Дьолго дьулуһар буоллахха» романыгар бу түһүмэҕэр тыа сирин уонна куорат ситимнэрин, куһаҕан дьаллык ыччакка хайдах сөрөнөрүн туһунан сэһэргэнэр;
Өссө тыыннааҕар уос номоҕо буолбут поэт Василий Саввин төрөөбүтэ 85 сылынан «Мин күүтүүлээх ыалдьытым – сарсыҥҥы тахсар күнүм» хоһооннорун бөлөҕө уонна Иннокентий Дүөндүн истиҥ-иһирэх киирии тыла;
Улуу уу – Акыйаан кутун-сүрүн кытта алтыһар, анаарар Саргылана Гольдерова-Саргы Куо «Акыйаан тапталым» диэн саҥа поэмата;
эдэр поэт Харыйалаах Уола «Бу сиргэ мин дьолум – дойдум уонна дьонум…» диэн өлүү уонна таптал, олох уонна айылҕа, күһүн уонна саас солбуһууларын хоһуйар хоһоонноро;
«Оҕолор дьикти кэрэлэр, оһуор-симэх кэриэтэлэр…» диир оҕо суруйааччыта, фольклорист Петр Дмитриев-Туутук 80 сааһын көрсө хоһооннорун бөлөҕө;
Хаппаргытыгар хатыыртыгар:
СӨ үөрэҕириитин үтүөлээх үлэһитэ, Таатта улууһун ытык киһитэ Татьяна Андросова саха омук духуобунай лидерэ диэн ааттаммыт Мандар Уустуун алтыһыыларын уонна кини үйэтитэр уонна үөдүтэр үлэтин эридьиэстиир ыстатыйатын туох диэн түмүктүүрүй?;
Филология наукатын кандидата, литературовед Саргылаана Ноева поэт Зинаида Архипова айар үлэтигэр бэлиэтээһиннэригэр кинини тоҕо «Куйаар кыыһа» диэн ааттыырый?;
Баан үрдүкү таһымнаах үлэһитэ Афанасий Лугинов «Кредит кистэлэҥнэрин» билиһиннэрэр.
Күн – сири, «Чолбон» – саханы сырдатар!
Емельян Ярославскай аатынан түмэлгэ Аан дойдутааҕы түмэл күнүгэр анаммыт ''Түмэл түүнэ'' тэрээһиҥҥэ элбэх интэриэһинэй экскурсиялар,…
Өрөспүүбүлүкэ сиригэр-уотугар халаан туругун ыам ыйын 18 күнүгэр ыксаллаах балаһыанньаны сэрэтиигэ уонна туоратыыга хамыыһыйа мунньаҕар…
Халаан уутуттан эмсэҕэлиир нэһилиэктэр ахсааннарыгар урут хаһан да киирбэтэх Хатырык нэһилиэгэ улахан ууга ылларан, олохтоохтору…
Ыам ыйын 17 күнүгэр Нам улууһугар «Библионочь-2024» Бүтүн Арассыыйатааҕы аахсыйа Арассыыйаҕа Дьиэ кэргэн сылын чэрчитинэн…
Бүгүн, ыам ыйын 18 күнүгэр, Аан дойду үрдүнэн Түмэл күнэ бэлиэтэнэр. Бу күнү көрсө Амматааҕы…
Эми-тому атыылаһан баран, аны хайдах иһэр туһунан ыйыыны-кэрдиини (инструкцияны) төһө билсэбитий? «Күҥҥэ үстэ биир табылыакканы…