Хаартыска: СӨ Үүнэр көлүөнэтин пуондата.
Саха сиригэр устудьуоннар оҥорбут спутниктара — «Чолбон» аппараат космоска тахсан, бастакы сигналын биэрдэ, баарын биллэрдэ.
Хаҥалас улууһун Чапаево бөһүөлэгэр баар СӨ Наукатын аччыгый академиятын ыстаансыйата «Чолбон» куйаар аппараатын кытта бастакы сибээһи олохтоото. Онон хас да сыллаах үлэ ситиһиилээхтик барбытын көрдөрдө.
Бу ситиһии Саха сирин ыччатыгар инженернэй үөрэтиигэ, космическай научнай-техническэй айар үлэҕэ суолу арыйар. Үөрэнээччилэр уонна устудьуоннар космическай аппараакка бэйэлэрин бырагыраамаларын киллэриэхтэрин, араас эспэримиэннэри ыытыахтарын сөп.
Аан дойду радиолюбителлэрэ «Чолбонтон» 437.350 МГц частотаҕа (позывной RS18S) сигналлары хабыахтарын сөп. Маны тэҥэ, анал саайтка киирэн, спутник түһэрбит хаартыскаларын, SSTV-аккырыыккаларын көрүөххэ сөп: https://www.yksa.space/.
«Чолбон» 550 км үрдүктээх сиргэ көтө сылдьар. Оҕолору үөрэтэр, научнай, радиолюбительскай үлэлээх. Саха сирин бастакы спутнигын ахсынньы 28 күнүгэр «Восточный» космодромтан ракета илдьэ көппүтэ. Оҕолорго бу көтүү улахан долгутуулаах түгэн этэ.
«Чолбон» бырайыак СӨ Наукатын аччыгый академиятын, «Якутские космические системы» ХЭТ, «СПУТНИКС» ХЭТ сыраларынан, СӨ Үүнэр көлүөнэтин пундатын, АЛРОСА, «Таас-Юрях нефтегаздобыча» тэрилтэлэр өйөбүллэринэн, олоххо киирэр кыахтаммыта.
Олунньу 15 күнэ Арассыыйаҕа – ураты күн, бу күҥҥэ дойду үрдүнэн Аҕа дойду тас өттүгэр…
Дьокуускайга ыытылла турар Уһук Илин эргэгийиэннэр сүүмэрдэммит хамаандаларын художественнай гимнастикаҕа биирдиилээн бастыыр иһин күрэхтэһиилэрэ Саха…
Өрөспүүбүлүкэтээҕи 2 №-дээх балыыһаҕа-Мэдиссиинэ Суһал көмөтүн киинигэр Саха сирин улуустарын Киин балыыһалара, поликлиникалар, атын балыыһалар…
Эспиэрдэр бэлиэтииллэринэн, дойду тэбэр сүрэҕэр Москваҕа ааттаах-суоллаах улахан эрэстэрээннэр сабыллыыларын улахан долгуна бэлиэтэннэ. Бу маннык…
«ВИС» бөлөх Өлүөнэ өрүс нөҥүө күргэни тутууга үлэни тэнитэр. Бүгүн коффердамнары туруорарга уонна өрүс ортотунааҕы…
Олунньу 14 күнүгэр Саха сирин Ытык кырдьаҕаһа, тыыл бэтэрээнэ Федора Николаевна Иванова 104 сааһын туолла.…