«Чолбон» сурунаал от ыйынааҕы нүөмэригэр

Күөх мөһөөччүк кистэлэҥэ уонна башкир уолчаанын мүччүргэннээх сырыылара:

— «Улуу Кыайыы айымньылара» рубрикаҕа норуот суруйааччыта Миитэрэй Наумов сэрии огдооболоругар гимн буолбут «Чомойор кыыһа» кэпсээнэ;

— Айысхаана «Туундара туллуктара» сэһэнин түмүктүүр түһүмэҕэр сэбиэскэй былаас урусхалланар кирбиитинээҕиаҕас-балыстыылар олох очуругар оҕустарыылаахдьылҕалара ойууланар. Баай уххана баһыйар дуу, хаан тардыыта ордук күүстээх дуу…;

— «Чолбон» сурунаал 2024 сыл түмүгүнэн Алампа Софронов аатынан Бастакы эрэдээктэр бириэмийэтин прозаҕа лауреата Наталья Рязанская хардата суох сырдык таптал үрдүк аналын туһунан «Күөх мөһөөччүк кистэлэҥэ» кэпсээнэ;

— тыа сиригэр олорор поэттар Виталий Власов «Чуумпу эрээрибин олох үөһүгэр…» уонна Николай Лииндин «Кэриэспин аал уоппар мин этэн хаалларыам…» диэн хоһооннорун бөлөҕө;

— башкир биллиилээх суруйааччыта Айгиз Баймухаметов «Көтөр буолан эргиллиэм…» сэһэнин Анастасия Еремеева тылбааһыгар кэрэхсээҥ. Дьиэтиттэн атын куоракка олорор аҕатыгар күрээбит уолчаан мүччүргэннээх сырыылар түмүктэригэр сыалын ситиһиэ дуо…;

— «Олоҥхо дойдутун айар түмсүүлэрэ» бырайыак ыалдьыта Горнайтан «Сыккыс» түмсүү;

— Хаҥалас кыраайы үөрэтээччитэ Прокопий Ноговицынныын Утум Захаров «Эллэйада» оҕолор экспедицияларын, саха былыргытын уонна аныгы киинэ туһунан сэһэргэһиитэ;

— «Биллиилээх суруйааччылар биографиялара» бырайыак саҥа түһүмэҕэр поэт Баал Хабырыыс туһунан филология наукатын доктора Валентина Семенова суруйуута;

— «Саха литературатын 125 сыла» рубрикаҕа саха литературатын кириитикэтин төрүттэспит Василий Никанорович Леонтьев төрөөбүтэ 130 сылыгар анаан «Ойуунускай «Кыһыл ойууна»» ырытыыта латыын бичигиттэн аан бастаан аныгы алпаабыкка түстэ;

— норуот суруйааччы Баһылай Харысхал «Халаачык муос» айымньытын тула Таатта улууһун Баайаҕатыгар олорор кырдьаҕас учуутал Галина Неустроева санаатын үллэстиитэ;

— сахалыы наука тылын сайыннарар тосхоллоох «Билии түһүлгэтэ» саҥа рубрикаҕа «Е.П. Шестаков-Эрчимэн кириитикэтин проблематиката уонна жанрын уратыта» диэн филология наукатын кандидата Людмила Григорьева ырытыыта;

— «Оҕоҕун кытта аах» рубрика ыалдьыта – поэт уонна учуутал Аким Кондратьев.

Күн – сири, «Чолбон» — саханы сырдатар!

Алгыһы кытта «Чолбон» сурунаал